Filiz Zeyrek

 

EDENE - Hemsereka HDPî yê Bajarê Edene Gulseren Turale dîyar kerde ke verê heme zehmet û tedayan reyna ê têkoşînê xo dewam kenê û bi îdarekerdişê newe veng da heme cinîyan ke binê sîwana partî de bibê yew.

 

Partîya Demokratîk ê Şaran (HDP) 2yîn Kongreya xo ya Îstîsnayê Rêxistinê yê Bajarê Edene de rojê verî de viraştî. Gulseren Turale ke reya hîrêne semedê wezîfeyê Hemserekîya Bajarê Edene amî weçînayîş û dîyar kerde ke verê teda û zordarîyan reyna zî xeylê hemwelatî semedo ke HDP de cayê xo bigîrê yenê awanîya bajêr û muracat kenê. Eynî wextî de Gulseren Turale dîyar kerde ke îdarekarîyê bajêr ê newe de hîna hêzdar û bi hawayoke bi qerar têkoşîn bikero.

 

'Ma prosesê xo yê têkoşînî dest pêkerd'

 

Gulserene hêrîşê ke dimayê 7ê Hezîrane dest pêkerdî, sey bêtehemulîyê AKPî qalî kerde û va: "Verê tedayê AKPî ma kongreya xo viraşt. Ma sey partîyê şarê cîya, bawerî û kulturê cîya yê Rêxistinê Bajarê Edene ma hemverê faşîzmî vindertî û ma dest bi prosesê xo yê têkoşînî kerdî."

 

Gulserene dîyar kerde ke "Partîya Demokratîk ê Şaran partîya cinîyan a" û wina dewam kerde: "Ma do cinîyan dir hêze bidê têkoşînê cinîyan. Ma veng danê heme cinîyan ke binê sîwana partîya HDPî de ma bibê yew û m ahîna hêzdar bê.

 

Gulserene ard ziwan ke heta ke no faşîzm vindarnê do têkoşîn bikerê.