Safiye Alagaş

 

MÛŞ - Sîyasetmedara kurd Nursele rûniştişê dewa ke ameyne hukmkerdiş de heqê xo yê pawitişê bi ziwanê maye kerd. No heqê ke hetê qanûno bingeyî ra yeno pawitiş, hetê dadgehe ra sey 'heqê pawitişê xirab xebitnena' qebul kerd. Dadgehe semedo ke Nursele xo bi ziwanê xo yê maye pawit, derheqê aye de cayê kêmkerdişê ceza çin o da.

 

Nursel Yîgîte ke Parîya Aştî û Demokrasî (BDP) de Mûşî hemserektîya partî kerdib, serra 2015 de çarçeweya xebatê sîyasî de semedê çalakîyê ke beşdar bibî çeleyî 2016 de netîceyê eştişê keyeyî ser amebî tepiştiş û dima ra bi îdiayê 'endama rêxistine yê' amebî tepiştiş. Derheqê Nursele de 1in Dadgeha Cezaya Giran ya Mûşî bi waştişê 8 serrî, heta 20 serran cezaya hepisxaneyî dewa ame akerdiş. Nûrsela ke rûniştişê dewa xo ya 8in de bi kurdî pawitiş kerd, hetê dadgehe ra vindertişê Nursele sey suc ame vînayîş.

 

Nursele rûniştişê yewin ê dewa xo de zî waştişê bi kurdî pawitişê xo bikero la semedo ke tercûman çin bîyo, mecbûrî bi tirkî pawitişê xo kerdo. Nursele qerarê dadgerî îdiayê derheqê xo de red kerd û va ke çarçeweya sîyasî de xebate kerda. Avûkatê Nursele Şeyhmus Bayhan zî va ke xebatê muwekîlê ci demê DBPî de yê û çarçeweya sîyasî de yê û no semed ra muwekîla ey nê xebatan ra nêeşkena bêro hukmkerdiş.

 

Dadgehe dimayê pawitişê ke semedê Nursele bi kurdî  pawitiş kerde, cezaya aye bi îdaya endamê rêxistine ke 5 serrî ya zêde kerd û 7 serrî û 6 aşmî ceza Nursele rê birna û 'propagandaya rêxistine kerdiş ra' zî cezaya ke 1 serrî û 8 aşmî bî, semedê parekerdişê Nursele ê serê medyaya komelî amî zêdekerdiş. Eynî wextî de pêroyî de Nursele 10 serrî û aşmî cezaya hepisxanî amî birnayîş.