AMED - Bi rayberîya Meclîsê Cinîyan ê HDPî 11ê teşrîna peyêne 2017 de Qada Îstasyonê bi sloganê 'Azadî do ser ko' mîtîng bêro viraştiş. Xebatê semedê mîtîngî zî bê mabên dewam kenê.

Xebata mîtîngo ke DBP, HDP û TJA bi sloganê 'Azadî do ser ko' ê do viraznê, bê mabên dewam kenê. Xebatê mîtîngî bi rayberîya Meclîsê Cinîyan ê HDPî de dewam kenê. TJA, DBP û HDPî vilawikî semedê vengdayîşê mîtîngî vila kerdî û heme kesî dawetê warê mîtîngî kerdî ke azadîya xo biqîrê. Parlamenterê HDPî Feleknas Ûca, Sibel Yigitalp, Ziya Pir, Hemsereka DBPî Rûken Akça, aktivîstê TJA û îdarekarê HDP-DBPî beşdarê vilakerdişê vilawikan bî.

Hemsereka Pêroyî yê HDPî Serpîl Kemalbay, Aktivîstê TJA Ayla Akat Ata, Parlamentera HDPî Felakna Ûca, hunermendan ra zî Yasemîn Goksû, Hediye Vîranşehîr û Helîmê Omerî do beşdarê mîtîngî bibê.

Mîtîng do roja şeme saetê mabêne 12:00-17:00 de lQada Îstasyonî (Meydana 5ê Hezîrane) ya Amedî de bêro viraştiş.