Zeynep Erdem  

 

MERKEZÊ XEBERAN - Kader Ortakaya semedo ke bibo 'Rosa Sara' xete sînorê Kobanî-Pirsûsî de hetê leşkeran ra amîbî qetilkerdiş. Embaza Kadere, Rosa Jiyan wina va: "Aye têlê sînorî rew ra rijna û derbazê Kobanî bî."

 

Kader Ortakaya 7ê Teşrîna peyêne 2014 de semedo ke şêro Kobanî xete sînor de hetê leşkeran ra amî qetilkerdiş. Kadere hêvîye xo ya cuyayîşê demokratîk her wext ganî verda û bi na hêvîye bi aşman xeta sînorê Pirsûsî de bi embazanê xo dir nobete girewte.

 

Kadere semedo ke bibo Rosa vejya rayîr û bi huyayîşê xo xeta sînor de verda û cuyayîşî ra koç kerde. Embaza aye xeta sînor de huyayîş û hewnê aye wedarna. Nameyê Rosa ke xeyalê Kadere bi, girewte û beşdarê têkoşînî bî.

 

Qalîkerdişê Kadere zaf zehmet o

 

Rosa Jiyan, cuyayîşê Kadere wina va: "Her wext şîîre wendêne. Kadere cinîyêke wina bî ke manevîyatê aye zaf xurt bi. Qalîkerdişê cuyayîş û kesayetê Kadere zef zehmet o."

 

Rosa da zanayîş ke Kadere kênake keyeyê Kurdî ê Rihaya û wina va: "Ma aye dir serê karkeran û têkoşînê Kurdan mûnaqaşa kerdêne. Kadere se bîne wa bîbîne, ganî semedê             Kobanî têkoşîn bêro dayîş."

 

'Yewin cinîya kome de bî'

 

Rosa da zanayîş ke Kadere ageyraya Stenbol û aye zî ageyraya bajarê ke tede ûnîversîte wenda û wina va: "Dimayê ke ameya Stenbolî, reyna şîya Pirsûs. cinîya en ciwane ke kome şîne Kobanê. No semed ra hedef amî girewtiş û amî qetilkerdiş."

 

Rosa dîyar kerde dimayê ke Kadere yena qetilkerdiş, şina verê keye û sersaxî wazena û wina va: "Wextê peynîna de her wext kitabê Sakîne Cansiz ê 'Cuya mi her wext pêrodayîş bi' wendêne. Xeylê bandure serê aye de viraştib. Eynî wextî de xeylê Rosa Luxemburge ra hes kerdêneç No semed ra waştêne wexto ke derbazê Kobaî bibo, nameyê xo bikero Rosa. Waştêne têkoşînê şorişgir ê her di cinîyê şorişgiran xo dir bido cuyayîş."