Fîlîz Zeyrek

EDENE - Hatîce Yuksela 45 serrî ke bajarokê Çîftehanê Ulukişla yê Nîgde de cuyena, nebatê baxçeyê xo kom kena ana Edene û roşena. Hatîce dîyar kena ke aye xo hewceyê kesî nêkena û va: "Heme cinî bi hewldayîşê xo eşkenê serê lingan de vinderê û hewceyê kesî nêbê.

Hatîce da zanayîş ke baxçeyê xo, xeylê nebatan wişk kena û Nîgde ra şina Edene û roşena. Hatîce wina vana: "Ma cinî zaf hêzdar ê, ma cinî çi bi wazê eşkenê bikerê. Tena ma hêzê xo bi ca bîyarê. Mi xo dîyo nê dîyo ez xebityena. Ez heme cuyayîşê xo de citkarî kena. Ez hamnanî nane, cehtire, melengîç wişk kena û semedê zimistanî nimnena. Ez berardişanê xo hîrê rojan Edene de roşena."

Semedê cinîyan vengdayîş: Ma têkoşîn bikerê

Hatîce dîyar kerde ke heme nebatê aye organîkê û wina va: "Hem welatîyê Edene xeylê nê nebatan ra hes kenê. Ez lez roşena. Reyan derg dewam keno. Ez nêroşî zî problem o. Semedo ke emrê nebatan derg o, çîyêk pê nîno. Ez veng dana cinîyan ke têkoşîn bikerê. Cinî ganî semedê ekonomîya xo bikoyê mîyanê tevgerî."