WAN/MÊRDÎN - Grêvê vêşanî ê semedê tecrîdê serê Rayberê PKKî Abdullah Ocalanî wirzo û azad bibo bi moralêke pîl dewam kenê. Çalakîyan de semedê azadîya Abdullah Ocalaî vengdayîşê serewedartişî ameyî kerdiş.

Grêvê semedê tecrîdê serê Rayberê PKKî Abdullah Ocalanî bêro wedartiş, semedê şert û mercê weşî bêrê awankerdiş û semedê azadîya Abdullah Ocalanî, pêl bi pêl girs benê. Çalakîya ke Meclîsê Mayê Aştîye dest pêkerdibî û HDP-DBPî dewir girewtibî, roja xo ya hîrêne de dewam keno. Grêvê ke vizîr HDP-DBPî dewir girewtib ewro zî rêxistinê qezaya Edremitî dewir girewtî.

Îdarekara qezaya Edremitî Meryem Tuncere verê awanîya qezaya Wanî Edremit sw qisey kerde û va: "Rayberê PKKî Abdullah Ocalan semedê heme dinya rayberêke girîng o. Lazimo ke Rayberê Şarê Kurd Abdullah Ocalan ganî azad bibo. Rayberê ma semedê heme neteweyan wayîrê mîsyonêke girîng o. Heta ke tecrîdê serê Rayberê ma nêwirzo û azad nêbo ma do çalakîyê xo dewam bikerê."

Xoverdayîşê grevê vêşanî bi moralêke pîl çalakîya xo dewam kenê û şar zî şino serdanê înan.