Safiye Alagaş

 

AMED - Domana bi nameya F. ke mabêne serra 2012-2014 de hetê lajê dedê xo M. ra rastê îstîsmaro zayendî yê sîstematîk amebî  F. konferansê bi nameyê 'îstîsmaro zayendî' de qalî kerd. F. bi piştdayîşê mamosteyê rehberî serdayîşê sucî kerd û camêrdo ke îstîsmaro zayendî kerd da tepiştiş.

 

Qezaya Farqînî ê Amedî domana bi nameyê  F. ke mabêne serrê 2012-2014 de rastê îstîsmarê camerdî bi nameyê M. amî, dimayê di serran dima meketba ke wendêne, konferansêke bi babeta 'îstîsmaro zayendî' virazya û rojê dimayê konferansê domane şî verê mamosteyê xo rehberî û hedîse qalî kerd.

 

Serê vatişê F. mamosteyê F. Serdozgerîya Komare Êlihî rê muracatê sucî kerd. îfadeyê F. verê pedagog de ame girewtiş û wina va: "M. lajê dedê min o. Ez tersena ke wayanê mi zî îstîsmar bikero. No semed ra ez gerre kena."

 

Dimayê îfadeyê Serdozgerîya Komare ê Farqînî derheqê babete de cigêrayîş da destpêkerdiş. Çarçeweya cigêrayîşî de M. aşma nîsane de ame tepiştiş û dima ra îfadeyê ey ame girewtiş.

 

Dozgerî îdiname de sûcê 'îstîsmaro zayendî yê domanan' 16 serrî ceza da. Semedo ke bi tehdîd sûc ameyo kerdiş, ame waştiş ke cezaya 8 serrî bêro zêdekerdiş û bi sucê hurîyetî bêpar verdiş' zî 2 serran ra heta 7 serran ceza ame waştiş. Îdianameyo ke ame amadekerdiş, hetê 3în Dadgeha Cezaya giran ê Amedî ra ame qebulkerdiş.