WAN- Cinîyê Wanijî dîyar kerdî ke, ganî pêvînayîşê bi Rayberê PKKî Abdullah Ocalan dir bêrê destpêkerdiş û vatî: "Ganî ma cinî tecrîdî ra vajê bes o. Çîyêk bêrê sereyê Rayberê ma kam do hesab bido."

 

Çalakiyê semedê Rayberê PKKî Abdullah Ocalanî her ca de dewam kenê. Cinîyê Wanijî reaksîyon hemverê tecrîdê giranî dayî û dayî zanayîş ke Ocalan nukteya esas ê şarê Kurdan o.

 

 Behîce Abî da zanayîş ke ê tecrîd bi ti hawa qebul nêkenê û wina va: "Bi di serrî yo ma Rayberê xo ra xebere nêgînê. Yewin adresê aşitî Îmrali yo. O ke aştî bîyaro Rayberê ma yo. La ma ci ra zanayîş nêgînê. Heta rayberê ma azad nêbo, şarê Kurdî azad nêbeno. Ganî bi lezgînî rayberê ma dir pêvînayîş bêrokerdiş."

 

'Ganî ma heme destê xo bikerê binê kerra'

 

 Nazîme Gure zî ard ziwan ke Rayberê PKKî Abdullah Ocalanî tena nîyo û heme şarê Kurd her cayê dinya de serê lingan de yê û wina dewam kerde: “Dewlete rayberê ma kerd binê tecrîdî û wazena ma zî bikero binê tecrîd. Semedê aştî û çareserî ganî ma heme destê xo bikerê binê kerra."

 

'Ma tecrîd ra vajê bes o'

 

Fatma Balkane zî dîyar kerde ke ganî pêvînayîşê bi Rayberê PKKî Abdullah Ocalanî dir bêrê destpêkerdiş û wina va: "Azadîya Rayberê ma azadîya cinîyan o. Ganî ma cinî tecrîd ra vajê bes o. Eke çîyêk rayberê ma rê bibo do kam hesab bido. Ma tecrîd qebul nêkenê. Tecrîd sucê merdimayî yo."

 

Arya Karakaya zî reaksîyon hemverê tecrîdî da û va do ê qebul nêkerê û ganî pêvînayîşî bêrê destpêkerdiş.

 

'Wa CTP cidîyetê halî fam bikero'

  

Xurşe Turgute zî ard ziwan ke Rayberê PKKî Abdullah Ocalan bi 18 serrî yo Îmralî de bi hawayêke hemverê huqûqî yeno tepiştiş û va ganî CTP cidîyetê halî fam bikero.