Melîke Aydin

 

DÊRSÎM - Hatîce Bora ke bi KHK karê xo ra amî îxrackerdiş, yewin salona sînemayî ê Dêrsîmî de xebityena. Amancê en pîl ê Hatîce o yo ke  bajaro ke netîceyê tedayê dewlete ra ageyrayo hepisxane, falîyetê kultur û hunerî xurt bikero.

 

Dêrsîm de dimayê qayûm tayînê şaredarî bi faaliyetê kultur û hunerî ameyî merheleyê vindertişî. Dimayê qayûm bajar ageyra ‘hepisxaneyo akerde' hemwelatî no semed ra nêrehet ê. Semedo ke caardişê faaliyetê kultur û hûnerî zî ca nêverdayî. Ê ke hemverê nê xoverdayîşî xo ver danê zî estê. Hatîce Bora ke ramitoxe ambulansî bî û bi KHK amî îxrackerdiş, dimayê rolê xo yê kilm fîlmê ‘Zer’ de zanayîşê sînema zî girewt pişte xo û salonê 62 Sînemaya yewin ya sînemaya Dêrsîm de dana xebitnayîş.

 

Hatîce dîyar kerde ke dimayê KHK ameya îxrackerdiş dima ra salonê sînema xebitnaya û rotişê bîletî bigî heta pakitî, heta weçînayêşê fîlman û muhasebeyê ci zî aye kena.

 

Hatîce ard ziwan ke semedo ke salona sînema de makînayê dîjîtal çin yo, fîlmê rojane nêeşkena bimojno ra. La bi xebatêke kolektîf, hem mojnayîşê fîlmê mîhrîcanan û hem zî kayê tîyatro vejena hemverê temaşekerdoxan.

 

Hatîce dewamê qalîkerdişê xo de dîyar ker de ke ê nika fikirinê ke giranî bidê fîlmê cinîyan.