MÊRDÎN - Nisêbîn de cenazeyê 28 kesê ke tarîxê cîya cîya de cuya xo vinî kerdibî, goristanê bêkesan de ameybî definkerdiş. Ê cenazeyan ra 8ê xo teslîmê keyeyê înan ameyî kerdiş.

 

Nisêbîn de cenazeyê xeylê kesê ke xoverdayîşê îdarekerdişî de cuya xo vinî kerdî, hema zî goristanê bêkesan de yenê vindernayîş. Cenazeyê 28 kesê ke goristanê cîya cîya de yê, nasnameyê înan ame tesbîtkerdiş. 8ê xo bi destûrê dozgerî teslîmê keyeyê înan ameyî kerdiş. 20 cenazeyê ke mednê zî muracatê keyeyê înan ameyo kerdiş la hema zî goristanê bêkesan de yenê vindernayîş.

 

Heto bîn ra testê DNA yê cenazeyan verê aşman amebi kerdiş zî Dozgerîyê Mêrdînî bi sebebê sey amadekerdişê dosya û tespîtê adresan cenazeyan vindarnayî û nêdayî keyan. Keyeyê ke semedê cenazeyê ke mendê waştişname dayî, hêvîye teslîmkerdişê cenazeyê merdimanê xo yê.