AMED - Ame îdiakerdiş ke pêrodayîşê serê siba ke Peyasê Amedî de ame meydan, keso ke cuya xo vinî kerdo Murat Çelîko YPSyijo pîyê 3 domanan o. Dimayê ke hedîse ame dîyarkerdiş ke maya Muratî zî hetê polîsan ra ameya tepiştiş.

 

No serê siba Peyasê Amedî de polîsan eştib keyeyêke ser û pêrodayîş vejyabi. Pêrodayîş de polîsêke û wayîrê keyeyî Murat Çelîko ke ame îdiakerdiş ke YPSyîjo cuya xo vinî kerd. Goreyê zanayîşê ke ameyî girewtiş 10 polîsî zî ameyê birîndarkerdiş. Şahidê hedîse ke nêwaşt nameyê xo vajo derheqê hedîse de winî va: "Sere de eştî serê keyeyî. Netîceyê eştişî ser, pêrodayîş vejya û polîsan bi zor bera akerd. Heme cayan de polîsî ameyî ca kerdiş. Keso ke keye de bi vejya balkone, birîndar bi. Bedenê ey ra gonî eştêne û destê xo berz kerd. Dimayê ke destê xo berz kerd, polîsêke vejya balkone, ma va beno ke ey bigîro. La polîso ke vejyabo balkone, keso ke destê xo berz kerdib polîsî ey gulevaran kerd."

 

Ame eşkerakerdiş ke maya Murat Çelîkî zî dimayê hedîse, hetê polîsan ra ameya tepiştiş. Ame dîyarkerdiş ke keyeyê ke eştê ser keyeyê Murat Çelîkî bîyo û bi cinîya xo 3 domanê xo dir mendo bîyo.