Medîne Mamedoglu

 

MÊRDÎN - Parlamentera HDPî yê Mêrdînî Gulser Yildirime ke bî serrêke û nîm hepisxaneyê Tîpê F yê Kandira de tewqîfkerdeya, vengê têkoşînê heme cinîyan rê kerde û va: "Hemverê zîhnîyetê tarî, ma têkoşînê xo girs bikerê û polîtîkayê şerî ra vajê bes o."

 

4ê Teşrîna peyêne 2016 de bi hawayoke hemdem xeylê merkez û qezayan de operasyonê qirkerdişê sîyasî virazya û xeylê parlamenterê HDPî, hemşaredar û hemserekî ameyî tepiştiş û tewqîfkerdiş.

 

Fîgen Yuksekdag, Selma Irmak, Gulser Yildirim, Çaglar Demîrel, Aysel Tugluk, Sebahat Tuncel, Gultan Kişanak, hemşaredara Dêrsîmî Nurhayat Altune ameyî tepiştiş.

 

Gulser Yildirima ke bi serrêke û nîm bi îdiayê 'propagandayê rêxistine' ra tepişnayîya çar rûniştişê ke ameyî dîyayîş de nêeşkena pawitiş bikero. Rûniştişê ameyî vînayîş de nêeşkenê pawitiş bikerê. Rûniştişê 15ê Teşrîna peyên de bêro vînayîş û Gulsere waştişê beşdarê rûniştişî kerd. Gulsere hepisxane de persê JIN NEWSî cewab kerd û derbeyê 4ê teşrîna verêne qalî kerd.

 

*Şima polîtîkayê tedayê serê parlamenterê cinîyan senîn şîrove kenê?

 

Hêrişê hemverê parlamenter, hemşaredar û hemserekê cinî parçeyêke polîtîkayê dişminîyê hemverê cinîyan ê AKPî yo. AKP her çiqas xo dîndar bimojno ra zî bi demogojîyê caardişê edaletî bêro serê îqtîdarî zî ewro ma vînenê ke semedê îqtîdarê xo hêrişê heme kîştan keno. Semedo ke serkewte bo zî, xora ti caardişê hemverê merdimayî nêdano kîşte.

 

'Semedê muxalifan merdişê sivîlan ferz kenê'

 

AKP dimayê vinîkerdişê 7ê Hezîrane de hesabê îqtîdarê xo kerd, tifaqêke kerdo û no zî bi polîtîkayê şero lişîn kerdo dewre. Dimayê 15ê Temmuze ra dima OHAL û KHKyan dir derbeyê leşkerî ra vera, derbeyêke sivîl kerdê dewre. Merdimî tena semedê muxalîfbîyayîşî rastê caardişê verêmerdimayî ameyî. Karê xo ra ameyî eştiş. Nuriye û Semîh semedo ke ageyrê karê xo rastê zulmêke pîl yenê.

 

'Ende hêriş tersê AKPî mojneno ra'

 

En zêde cinî hemverê polîtîkayê AKPî têkoşn kenê. Semedê aştîyêke bi rûmet, têduşt û demokrasî vindertişê en xurt cinîyan mojnayo ra. Ewil parlamenterîya hemsereka ma ya pêroyî Fîgen Yusekdage fînayî. No tesaduf nîyo. Esîrgirewtişê cinîyan ê sîyasetî de qîm nêkerd, parlamenterîyê înan vistî. No zî bi hawayêke eşkera mojna ra ke AKP terseno.

 

*Ti operasyonê qirkerdişê sîyasî ê 4 teşrîna peyêne 2016 de senîn şîrove kena?

 

4ê teşrîna peyêne 2016 de bi helîkopteran ma merkezêke de kom kerdî û no zî mojneno ra ke bi merkezî kerdişî dewre de bî. Verê aye amebî plankerdiş ke do kam bêro tepiştiş û berê kam hepisxaneyî.

 

*Waştişê beşdarbîyayîşê şima dadgehe yeno redkerdiş. Ferzkerdişê SEGBÎSî yeno çi mana?

 

Sebebê polîtîkayê rehînî o yo ke HDPî komelî ra dûr verdê. Caardişê SEGBÎSî no semed ra yeno ferzkerdiş. Ma nêvejenê dadgehan. Semedo ke zanê ma do caardişê înan faşîst huqûq de teşîr bikerê. Tersenê ke ma do înan hukm bikerê.

 

*Mêrdîn ra xeylê hemserek ameyî tepiştiş, vengdayîşê şima semedê cinîyê Mêrdînî çî yo?

 

Cinî aştî de israr kenê. La heme bajarê Kurdistanî û bi taybet zî Mêrdîn de îradeyê cinîyan ameyo xespkerdiş. Ez sere de  veng dana cinîyanê Mêrdînî û heme cinîyan kena ke hemverê zîhnîyetê tarî têkoşînê rêxistinî girs bikerê û polîtîkayê şero lişîn vindarnê.