MÊRDÎN -Nisêbîn de dimayê pêrodayîşan bi rijnayîş ame destpêkerdiş de 6 taxî ameyî çinkerdiş û nê taxan ra yew zî Zeynel Abîdîn bî. Nika keyeyê xirabe yê Zeynel Abîdîn bîyê merkezê kesê tiryakî xebitnenê. Pêwa muracatan tedbîr nînê girewtiş, hemwelatîyê taxe bi endîşe no halî temaşe kenê.

 

Nisêbîn de yew zî 6 taxê ke pêrodayîş tede ame cuyayîş, taxa Zeynel Abîdîn bî. Taxe dimayê operasyonî ameyî cuyayîş nîna naskerdiş. Taxa ke bi nêzdîyê sînorê Rojawan de yena zanayîş, sey taxê bînan xebatê TOKÎ nînê kerdiş û  îdîayê derheqê aqûbetê taxê de dewam kenê. Rijnayîş de keyeyî ameyî û nika zî bîyê warê kesê tiryakîyan.

 

Aqûbetê taxe nîno zanayîş

 

Taxa ke bi goristan û camîyan namdar a, netîceyê pêrodayîşan de terkê tarîtî û bêvengî ame kerdiş. Rijnayîş de taxe de dêre, camî û goristan saxlem ameyî verdayîş. Sînorê Rojawanî ke verê baş nêameyne vînayîş, nika baş yeno vînayîş. Dimayê rijnayîşî înşaatê TOKÎ zî nêame destpêkerdiş û nîno zanayîş ke do aqûbetê taxe se bibo.

 

Do taxe rê se bibo?

 

Taxa ke nêzdîyê sînorî de ya cayêke stratejîk û warê aye bi seyan metrekare hewinena. Hemwelatî îdîa kenê ke do taxe bibo wargehê leşkerî ya zî parq. Nika tena çend keyeyî şîyê taxe. Nîno zanayîş ke do goristanê taxe se bikerê.

 

Nika zî keyeyê xirabe yê  taxe bîyê cayê kesê tiryakî xebitnenê. Zafê kesê ke ciwanê konê nê keyeyan û esrar xebitnenê.