îlham Eloso

 

KOBANÊ - Bajarê xoverdayîşî Kobanî newe ra yeno awankerdiş. Heme no semed ra bi lezgînî karê xo dewam kenê.

 

Şaredarîya Kantonê Kobanî dimayê şorişê  Rojawanî 1ê Adara 2015 de ame awankerdiş. Heta nika semedê awankerdişê Kobanî ked û hewildayîşîke bi mana yeno kerdiş. Cinîyê ke beşdarê heme karan bî,  nika zî cayê xo şaredarî de gênê. Şaredarîya Kobanî de 23 cinî xebityenê. Zereyê Şaredarîya Kobanî de xeylê merkezê Şaredarî qezayan zî ameyî akerdiş, xizmetêke baş danê şarî. Şaredarî Şêran, Til Xezal, Sirîn, Çelebî û Bêndir de ameyî awankerdiş.

 

Kobanî de hema awankerdişê bajarî dewam keno û şaredarî mîyanê tevger û xebate de ya. Kuçeyî yenê viraştiş, awanîyê newe yenê awankerdiş. Eynî wextî de akademî, dikan, qanalê awe, parq, derûdorê peykerê cinîya azad, qehreman Egîd û Asayîşî zî yew nê xebatan ra yê.

 

Kobanê bi hêzê cinîyan wişt serê lingan!

 

Îdarekarîyê têkilîyê teberî yê Şaredarîyê Madlêne dîyar kerde ke xeylê projeyê înan semedê domanê ke netîceyê qirkerdişan de maye û pîyê xo vinî kerdê estê. Eynî wextî de semedê domanê cengawerê azadî zî eynî çi derbaz beno."

 

'Ma sey cinî awankerdişê komelî de zî cayê xo gênê'

 

Madlên Kalî dewamê qalîkerdişê xo de wina va: "Destpêkê awankerdişê şaredarî de ma dest bi viraştişê rayîran kerd, xeylê çî yenê awankerdiş. Sazgehê kurdan xeylê hetkarîya ma kerdî. Heyva Sor ê  Kurdan û sazgehê kurdan sey sazkerdişê awanîyan û xeylê awanî nika bi destê ma yenê sazkerdiş. Ma sey cinî senîn ke ma şer de cayê xo girewt, eynî wextî de ma sîyaset û awankerdişê komelî de zî cayê xo gênê."