Şehrîban Aslan

 

AMED-Endama MYK ê DBPî  Meryem Yildize bale ant serê tecrîdê Rayberê PKKî Abdullah Ocalan û çalakîyê ke hetê DBPî ra ameyî destpêkerdiş û wina va: "Ma heta xebere Abdullah Ocalanî ra nêgîrêî ma do çalakîyê xo dewam bikerê. Ganî en zêde cinî beşdarê nê çalakîyan bibê."

 

Tecrîdo giran serê Rayberê PKKî Abdullah Ocalanî de dewam keno. Hewteyê vîyarte de serê çapemenîya komelî de xeberê ke Abdullah Ocalanî cuya xo vinî kerdo vila bibi. Serê nê de serdozgerîyê komare Bursayî zanayîş da, la şarê Kurdî va no îzahat bes nîyo û det bi çalakîyan kerdî. Her cayê Kurdistan û Ewropa de çalakî virazênê û vakurê Kurdistanî de zî DBP û HDPî bernameyê çalakîyê xo eşkera kerdî. Endama MYKî DBPî Meryem Yildize veng da cinîyan û va ganî cinî wayîrê Abdullah Ocalanî vejîyê.

 

'Çalakîyê ma dest pêkenê'

 

 Meryeme bale ant serê xeberê çapemenîya komelî û va vatişê endîşe serê cuya Abdullah Ocalanî awan keno nîno qebulkerdiş û wina va: "Ganî vernîye pêvînayîşan bêro akerdiş. Halê zanayîş ke Birêz Ocalanî ra nîno girewtiş, do şarî dir endîşe zêde bê. Ma DBPî bernameyê çalakîyan vet û do 29ê teşrîna verêne de dest pê bikero."

 

'Polîtîkayêke taybet bi ca anê'

 

Meryeme da zanayîş ke çalakî do bi îzahat û rayşîyayîşan dest pê bikero û va: "Ciwan, cinî û heme hetê demokratîk gerek çalakîyê demokratîk pîl bê. No êdî ferz o. Semeod ke ma zanê Birêz Ocalan 18 serrî yo  Îmralî de girewteyo. Îmralî de polîtîkayêke taybet yeno kerdiş. Heta zanayîş Birêz Ocalan ra nêro girewtiş, do çalakîyê ma her ca d epîl bê. Ganî cinî her ca de beşdarê çalakîyan bê û wayîrê îradeyê xo vejîyê."