Rojda Aydin

AMED - Cinîya bi nameyê Meral Erdogana ke 40 serrî ya û 25 serrî yo pes kena wey va, semedo ke ti kar çin o domanê aye bixebitîyê heywanan kenê wey û pê debara xo kenê.

Cinîya bi nameyê Meral Erdogana ke 40 serrî ya û bi eslê xo qezaya Şamraxê Merdînî ra ya semedê şert û mercê cuyayîşî  aye û keyeyê xo verê 20 serre ameyê dewa Qerebaşî yê qezaya Sûrê Amedî de bi ca bîyê. Merale bi xo 25 serrî yo bi weykerdişê pesî eleqedar a. Merala ke pes kena wey, va ke her serre wisarî pesê xo bena zozanan û şitê ke mêşin û bizinan ra doşenê, mast û penîr virazenê, roşenê û debara xo kenê. Merale dewamê qiseykerdişê xo de wina va: "Ma nêzdîyê  3-4 aşman zozanan de manenê û dima ra ageyrenê yenê dewe. Dewe de ma pesê xo baxçe de wey kenê û debara xo bi weykerdişê pesî kenê."

'Weykerdişê pesî zehmet o'

Merale ard ziwan ke ê debara xo bi weykerdişê pesî kenê û wina va: "Ma debara xo bi weykerdişê pesî kenê. Karê ma zaf zehmet o. La ma berardişêke tebîî kenê û nê berardişan ra ma komel feyde vînenê û hem zî pê debara xo kenê. Her çiqas zehmet bo zî, ma akrê xo bi kêfweşî kenê. Semedo ke çimeyê debara ma yo."

'Cuya dewe hîna weş a'

Merale peynîye qalîkerdişê xo de va ke cuya dewan bajaran ra hîna weş a û wina va: "Hewayê dewe pak û hîna weş o. La ê bajaran lişîn o. Cuyayîşî dewe hetê ekonomî de zî merdim nêkono zehmetî. Keye ê ma yê û ma kîra nêdanê û ma semedo ke berardiş kenê, hetê debare de zî ma zêde problem nêcuyenê û goreyê bajar hîna baş o."