'Îşkence bi OHALî dir normal kerdî'

  • 11:23 27 Teşrîna verêne 2017
  • HEME XEBERİ
Habîbe Eren
 
ENQERE - Parlamentera HDPî yê Êlihî Ayşe Acar Başarane dîyar kerde ke dimayê OHALî îşkence ameyo normalkerdiş û va serra 80 û 90î de îşkence û qirkerdiş dewleta kûrî rê ame barkerdiş û ewro bi eşkera normal kenê. Ayşe ard ziwan ke îşgalkerdoxî mîyanê sucan de fetisyaw û wayîr nêvejêno. 
 
20ê Temmuza 2016 de heta nika OHAL rey ame dergkerdiş û bi no hawa zî îşkence û îhlalkerdişê heqan resa merheleyê en berz.
 
Parlamentera HDPî yê Êlihî Ayşe Acar Başarane derheqê îşkence û tedayê bi OHALî dir dewam keno şîrove kerde. Ayşe wina va: "Ma 15ê Temmuze sey rojo darbe nêdanê naskerdiş. Darbeyo esas 20ê Temmuze de dest pêkerdo. Merdim bi KHKan kar ra ameyî eştiş, ameyî îşkencekerdiş. Bi sebebê şenik merdimî bi rojan îşkence de mendî."
 
Ayşe ard ziwan ke Tirkîya êdî bê rejîmê OHALî Erdogan û Dewlet Bahçelî nêeşkenê rejîmê xo dewam bikerê û wina va: "OHAL Tirkîya de ageyrayo sîstemêke. Prosesêke bandurêke negatîf serê cuya merdiman keno esto. Hewl danê nê prosesî bi hemkarîya rejîmê serekî û OHALî bêrê."
 
Îşkenceyê KYK her çar het de yo
 
Ayşe da zanayîş ke bi KHKyan merdimî kar ra ameyî eştiş û wina va: "Wexto ke merdim destûrê bingeyîn ê darbe ewnîyeno, KHK tena babeta îlankerdişê OHALî de eşkeno bêro vetiş. La dimayê OHALî qayûm tayînê şaredarîyan kerdî. Prosesê tepiştişî derg kerdî. Merdimî ameyî tepiştiş. Akademîsyenê aştî ameyî îxrackerdiş. Sazgehê cinîyan ameyî padayîş. Çalakî û bername ameyî qedexekerdiş. OHAL kerdî sebeb û xeylê îhlalkerdişê heqan bi ca ardî."
 
'Îşkence ameyo normalkerdiş'
 
Ayşe da zanayîş ke îşkenceyê tepiştişî de xeylê zêde bîyê û binê nameyê qedexeyê tebervejîyayîşê kuçeyan de bajar kerdê binê abluqa, merdim ameyî qetilkerdiş û Ayşe wina va: "Mugla de 7 kesî ameyî tepiştiş, virankerdiş û îşkence bi înan ame kerdiş. Bi saetan tebera verdayî û fotografê înan antî. Gelo merdim eşkeno serrê 80,90 cîya bikerê. Ê serran de îşkence ameyne kerdiş, dewleta kûre ameyne barkerdiş. La ewro eşkera yeno kerdiş. Dewlete bîya sey çete. Lingêke aye bîn zî çapemenîya hewze yê sûcan normal kena."