Civîn Husên

QAMIŞLO - Fermandara Yewîneyê Pewtişê Cinîyan Evîndar Dênize averşîyayîşê leşkerî yê peynî û hemleyê Firtineyê Cizîre şîrove kerde.

 

Fermandara YPJî Evîndar Dênize derheqê halê Reqa ê leşkerî, hemleyê Dêra Zorî û Îdlibî de şîrove kerde. Evîndare dîyar kerde ke averşîyayîşê ke nika Rojhelato Mîyanîn û bi taybetî zî Rojawanê/Vakurê Sûrîye virazênê tarîxî yê û wina va: "Averşîyayîşê serê herra Vakurê Surîye her ke şino zêde beno. Hêzê YPJî semedê pawitişê heme cinîyan û pawitişê komelî, merheleyê en berz de tekoşîn kenê û aver şinê. Dimayê xelisnayîşê Reqa êdî mayin yenê pakkerdiş, semedo ke hemwelatîyê Reqa reyna ageyrê warê xo, bajar newe ra awan beno."

 

'Amancê Hemleyê Firtineyê Cizîre gam bi game bi ca yenê'

 

Evîndare bale ant serê averşîyayişê Hemleyê Firteneyê Cizîre û wina dewam kerde: "Amancê Hemleyê Firtineyê  Cizîre  gam bi game bi ca yeno, serkewtişê zaf pîlî virazênê. La hêzê îşgalkerdoxî, dişminê merdimayî hemverê qezencê Şarê Kurdî vindenê û wazenê Kurdan çin bikerê. Amancê Rûsya dîyar bi ke dest danê serê cayê Petrolê ke QSD bi rayberîya YPJî xelisnabi. Labelê bi xoverdayîşê xo yê leşkerî şerwanan no hêrişî veng vet, ma nê hêrişan qebûl nêkenê û hemverê hêrişan ma do hewl bidê. Erdogan zî hetê tedayê xo yê Efrînî de serkewte nêbeno. Ma qetî nêverdenê ke ti hêz ma îşgal bikero û ma do têkoşînê xo berz bikerê."

 

'Ma heme serkewtişê xo dîyarî wayîrê rayîrê azadî Rayber Apo bikerê'

 

Evîndare peynîye qalîkerdişê xo de wina va: "YPJe heme cinîyan û heme heqê merdiman paweno. Û rayîrê têkoşîn û azadî de ser konê. Ma heme serkewtişê xo dîyarîyê wayîrê azadî Rayber Apo kenê."