STENBOL - Rayberê Şarê Kurd Abdullah Ocalanî ra demêgo derg o ke xebere nîna girewtiş û nêy ver kurdî etirîyenî. Tewr peynî medyaya komelkî ser de derheqê Ocalanî de tayê xeberî ameyî vilakerdiş. Dima ra avukat, keye û Heyetê Îmrali seba pêvînayîşî muracat kerdî, labelê waştişê înan ame redkerdiş. 

 

Babete ser o Hemverfeka HDKyî Gulistan Koçyîgîte qisey kerde. Gulîstan va ‘2 serrê peyênan de heme pêvînayîşî ameyî birnayîş’ û wina dewam kerde: “Tewr peynî seba ke sîyasetmedarî kewtbî grevê vêşanîye, pêvînayîşêkî amebî kerdiş. O wext ra nata ti xebere Ocalanî ra nîna girewtiş. Ma eşkenî nizdîbîyayîşê dewlete yê Ocalanî, nizdîbîyayîşê ci yê prosesî yo. Eynî wextî nizdîbîyayîşê ci yê aştîye, demokrasî û seyyewbînanî yo. Ganî merdim wina bivîno.”

 

Bi mîlyonan kesî sey îrade qebul kerdo

 

Gulîstane bale ante xeberê ke medyaya komelkî ser ro ameyî parekerdiş ser û wina dewam kerde: “Îzehetê ke no het de ameyî dayîş zî şarî tatmîn nêkerdî. Heqê pêvînayîşî, heqê telefonî, heqê mektube û heqê dîyayîşê avûkatê xo yeno astengkerdiş. Heto bîn de Ocalan hetê bi mîlyonan kesan ra sey îrade yeno qebulkerdiş. No welat de yê ke wazeno problemê kurdî bi muzakereyan çareser bibo, tena o yo. Eke wazenî problem çareser bikerî, ganî Ocalanî reyde pêvînayîş bikerî. Sewbîna rayîr çin o.”

 

Adirî reyde kay kenî

 

Gulîstane wina domnaye: “Ewleyî, weşî û heqê Ocalanî ewleyî, weşî û heqê şarê kurdî yo. Merdim nêşêno yewbînan ra cîya bikero. Ma prosesê 99î cuyabî. Herkes zano ke kurdî derheqê Ocalanî de çiqas hesas o. Wazenî kurdan nêy ser ro biceribnî. Labelê no adirî reyde kaykerdiş o. Şarê kurd amade yo ke seba Ocalanî bedel bido. Wa ti kes hesasîyetan ser ro şarê kurdî biceribno. Hukmatî verê cû Ocalanî reyde pêvînayîşî kerdbî, cok ra reyna zî eşkenî bikerî. Ganî keye, avukat û parlamenteran reyde pêvînayîş bibo. Ma wazenî ewleyî û weşîya ci fekê 2. ra nê, raşteraşt fekê ci ra bieşnawî. Ma wazenî prosesê tecrîdî ey ra goşdarî bikero. Heta ke ey ra nêeşnawî, şar îkna nêbeno. Her vîsta ke derbaz bena, etirîyayîşê ma zêde beno. No zî do zirar bido Tirkîya. Ma veng danî Wezaretê Edaletî û hukmatî, ganî Ocalan reyde pêvînayîş bibo.”