AMED - Taxa Şehîtlîk û Ben û Senî yê Amedî netîceyê eştişê serê keyan de 24 kesê ke mîyan de Salîha Narîne (80) û Rahîme Zengîn (75)  zî ameybî tepiştiş û dimayê îfadeyê înan ê Şubeyê Amedî ameyî veradayîş.

Qezaya Yenîşehîrê Amedî 23ê teşrîna verêne de çawîşo pispor Bîlal Dîcle bi gulevaranê hetê kesê nênasan ra birîndar bibi û nêweşxane de cuya xo vinî kerdib. Dimayê hedîse hetê polîsan ra taxê Şehîtlîk û Ben û Senî yê Yenîşehîrê Amedî eştî serê xeylê keyan. Kesê ke mîyanê înan de nêweşa şekir û tansiyonî Salîha Narîn (80), Rahîme Zengîn (75) zî tede ameyî tepiştiş. Cinîya bi nameyê Salîha midurîyê polîsan de xeylê rey halê weşîya aye xirab bi û serê sedya de amî vindertiş û tepişnaye verdayî.

24 kesê ke mîyan de Salîha û Rahîme zî bî ameyî tepiştiş, vizîrî şande dimayê îfadeyê mudirîyê polîsan ameyî veradayîş. Ame eşkerakerdiş ke hema şubeyê  TEMî yê Amedî hema xeylê kesî tepişnaye yenê girewtiş.