Orîvan Mûstefa

EFRÎN - Ekonomîya Kongreya Star semedo ke peydakerdişê îmkanê ekonomî cinîyan rê kooperatîfê mastî akerd.

Merkezê Ekonomîya Cinîyan ê Kongreya Starî bi amancê averşîyayîşê Ekonomîya Cinîyan û peydakerdişê îmkanê karî, mintîqaya Efrînî de semedê cinîyan Koperatîfê mastî ame akerdiş. Koperatîfê Cinîyan ê Xerîbît Elşems yê Mastî 25ê Tebaxa  2017 de ame akerdiş.

Kooperatîf de 3 cinî xebityenê. cinî rojane saate 08.00 de heta saete 5.00 bi hawayêke çalak xebityenê. Koperatîf rojane 400 kîlo şit anê û rojane nêzdîyê 600 kîlo mast ya zî 150 satil mast vejenê. Her kîloyêke mast bi 325 lîreyê Sûrîye yenê rotiş. Bererdaşê koperatîfî bazaran de yenê rotiş. Pereyê ke yenê qezençkerdiş serê aşme de bi hawayêke têduşt cinîyan rê yeno vilakerdiş.

Na çarçewa de Îdarekarê Koperatîfê Xerîbît Elşems Fatma Reşo dîyar kerde ke amancê bingeyîn ê akerdişê kooperîtîfî winî yo: "Semedo ke cinî bi hawayoke kolektîf û komunal ekonomîya xo aver bero. Her siba wexto ke şit ma dewe ra anê, vernê de tay şit ma bi girnayîş tecrube kenê. dimayê girnayîşî ma kenê mîyanê satilan û ma di saetî verdêne ke serd bibo. Dima ra ma satilan pak kenê û mast kenê ci. Ma serê ci gênê û di saetan de mast virazêno."

Serkewtişê cinîyan girêdayîşê cinîyan o

  Fatma en peynî wina va: "Cinî semedê îhtîyacîyê xo bi ca bîyarê, beşdarê karê cuyayîşî benê. Cinî eşkena ekonomîya xo bi xebatê kooperîtîfan aver bero. Semedo ke serkewtişê cinîyan girêdayîşê kede cinîyan o. Ganî cinî her wext kedêke erjaye warê cuyayîşî de bikero xo dest û ez veng dana heme cinîyan ke kooperatîfî de ca bigîrê û ekonomîya xo aver berê."