Medîne Mamedoglu

 

MÊRDÎN - Dewa Belave ê Stewrî yê Mêrdînî serra 1990 de hetê leşkeran ra amî veşnayîş. Cinîya bi nameyê Ase Alokmana ke o wext mecbur mendebî koç bikero, dimayê serran ra dima amî dewa xo û keyeyê xo newe ra viraşt. Ase wina va: "Dimayê 20 serran ra dima vîrardiş, baxçe, koyê mi verê çimanê mi de ganî benê. Ez êdî bi heme caardişan fek dewa xo ra vera nêdana."

 

Ase Alokmane 80 serrî, serrê 90an de dewa  Belave ê Stewrî yê Mêrdînî ra mecbur mende koç bikero. Ase dimayê 20 serran ageyra dewe xo û keyeyê xo newe ra viraşt. Ase dîyar kerde ke nika se beno wa bibo do fek dewa xo ra vera nêdo."

 

'Bi tehdîd û îşkenceyan ma ameyî vetiş' 

 

Ase bale ant ser tedayê ê rojan û va dimayê ke aye dewa xo ra ameya vetiş, hêrsike pîl aye dir ameyo meydan û wina va: "Leşkeran o wext 10 rojan dewe terk nêkerdî. Dewijan va ma nêvejênê. No ser dewe dayî adir ver. Ma rojo ewil mudaxeleyê şewatî kerd. La rojo diyîn de dewe kerdî binê abluqa. Kewtî heme keyan û pacan şikîtî. Heme çî şiknay û serûbin kerdî. Ma dî ke nêbeno û ma mecbur mendî dewe ra vejîyê."

 

'Ma 20 serrî dewe xo ra dûr mendî'

 

Ase da zanayîş ke dewe înan 5 deqe de ameya veşnayîş û wina va: "Hemine bi hesîre çiman şewat temaşe kerdî. Mêrdeyê mi no semed ra di serrî dima ra cuya xo vinî kerd. Mêrdeyê mi semedo ke ageyro zaf xo ver da. Rez û baxçeyê ma bî. Dejê înan xo vîr ra nêkerd. Wesîyetê ke ey bi, vatêne 'mi dewa mi de defn bikerê' ma zî ey ard tîya defn kerd. 5 deqe ra dima polîsan dorê ma girewt. Ma hema dewe ra vejîyayî. 20 serre ma dewe xo ra dûr mendî. Ma ge-ge Amed ge-ge Êlih de cuyayne."

 

Ase da zanayîş ke 20 serre ra dima domanê aye waştê bêrê dewe û va: "Ma 2014 de ameyî tîya. Ma keyeyê xo newe ra viraştî. Na rey se bo zî ma nêvejênê. Ez dewe xo înan rê nêverdena."