Fîlîz Zeyrek

 

EDENE- Dîlek Akara ke kerran kiraxê gole ra kom kena, berardişê hunerî awan kena û hem zî ekonomîye xo awan kena. Dîleke winî zî awankerdişê ê cinîyan mojnena her kesî.

 

Dîlek Akara ke qezaya Yuregîrê Edene de cuyena, Bazarê Taxe ê Kenan Evrenî ke hewte ra di rojî semedê cinîyan ameyo tesîskerdiş, bi kerrayê ke semedê qiraxê gole kom kerdê debara xo kena. Dîleke serê kerran de  fîgurê cîya xêz kena û dîyar kena ke semedo ke bi destê xo hunerê kerran kena kêfweşa.

Dîleke da zanayîş ke aye xo bi xo musnaw û wina va: "No kar zaf kede wazeno. Xeylê xo verê qeraxan de eleqe vîneno. Labelê Edene de kes zêde eleqe nêmojneno ra. Ez sey heskerdoxa hunerî, zaf xemgîn a ke Tirkîya de eleqe hunerî rê nêmojnenê ra."

 

Dîleke da zanayîş ke bi serrêke yo no karî kena û va bazar de piştdayîş de yê û va kerrayê ke rengê înan ganeyê weçînena û va: "Ez sîparîşan taybet gêna. Serê medyaya komelî ser zî sîparîşan gêna. Ez winî debara xo kena. Ganî heme cinî alternatîfê xo awan bikerê. Hedefê mi o yo ke ez karê xo aver berî."