Sorgul Şêxo

 

REQA - Şerwana Yewîneyê Cinîyê Şengalî YJŞî Bêrîtan Êzîdxane  derheqê hemleyê Reqayî de şîrove kerde û va: "Xelisnayîşê Reqa sey heyfgirewtişê heme cinîyê êzidî û fermanê 74an o."

 

3ê Tebaxe 2014ine de DAÎŞ kewt Şengal, pêşmergeyê uca remayî û Şengal nêpawitî bi hezaran cinî, domanî ameyî remnayîş û rotiş. Senîn HPGî û YJA Starî  Şengal xelisnayî nika Reqa de YPJ bi seyan cinîyê êzîdî xelisnayî. Bi seyan cinîyê ke yenê xelisnayîş sozê beşdarbîyayîşê YJŞî danê.  

 

Bêrîtan Êzîdîxane, şerwana Yewîneyê cinîyê Şengalî, dewa Til Ezêre de bi keyeyê xo dir cuyayne, nika zî Bêrîtane semedê azadîya heme cinîyan, Şengal de têkoşîn kena. Hemleyê Xelisnayîşê Reqqa de bi amancê xelisnayîşê heme cinîyan bi taybetî zî cinîyê Êzîdî, ca gêna.

 

Bêrîtane xelisnayîşê Reqa sey heyfgirewtişê fermanê 74an û heyfgirewtişê cinîyê Êzîdî pênase kerde û wina va: "Fermano ke bi serê Şengalî ame bandurêke pîl serê kêna û xortê şengalî de viraşt, semedê heyfgirewtişî fermanî kêna û xortê Şengalî hêzê xo awan kerdî, no gamêke tarîxî bi, sozê ma bi temamî xelisnayîşê heme cinîyê Êzîdîyan o."

 

Bêrîtane ard ziwan ke beşdarbîyayîşê aye hemleyê xelisnayîşê Reqa, semedê heyfgirewtişê cinîyê Êzîdîyan o. Ewro Reqa ke DAÎŞî xo rê kerdib cay stargeyî ame rijnayîş.

 

Bêrîtane vengdayîş temamê cinîyê êzîdî û cinîyê Reqa kerd eû va: "Wa êdî cinî koletî nêpawê. Wa heme cinî têkoşîn de cayê xo bigîrê û heyfê xo bigîrê."