QAMIŞLO - muxabira ANHAyî Dilîşan Îbîş ewro seat 10.00 de bajarê Qamişlo de bi beşdarbîyayîşê embazê aye rojnamegeran û muxabiran ver bi Kobanî amî oxirkerdiş.

 

Cenazeya Muxabira ANHAyî Dilîşan Îbîşe Qamişlo ra bi beşdarbîyayîşê embazanê aye rojnameger û muxabiran serê siba seate 10.00 de morgê Enterî ra amî girewtiş û ver bi Kantonê Kobanî amî oxirkerdiş.

 

Dilîşan Îbîşe Dêrazorî ra wexto ke muxabirî kerdêne, şarê sivîlî ke warê bê asayîşî ra remenê,  Dilîşane semedo ke xeberanê înan taqîb bikero DAÎŞî erebeyêke mîyanê sivîlan de teqna û netîceyê teqnayîşî de muxabire Dilîşan Îbîşe cuya xo vinî kerde. Teqnayîşî de rojnameger Rizgar Deniz, muxabirê ANHAyî Hogir Ehmed zî birîndar bibi.

 

Merasimê oxirkerdişê Dilîşan Îbîşe de rojnameger Stêrk Gulo serê kede muxabir Dilîşan Îbîşe qisey kerde û wina va: " Ma ewro embaza xo rojnameger Dilîşan Îbîşe ver bi bajarê xoverdayîşî oxir kerde. Aye zî sey Şîlan, Nûjiyan, Eylul û  Agirî mîyanê şerê xoverdayîşî û xelisnayîşê rûmetê merdimayî de cuya xo vinî kerde. Ma sey embazê aye rojnamegerî vanê do qetî qeleme û kamerayê aye erd de nêmano. Wexto ke dişminê merdimayî DAÎŞî seyare mîyanê sivîlan de teqna û xeylê şar û embazê ma şehîd kewtî. Kamerayê Dilîşane zî amî veşnayîş. Ma sey rojnamegerê embazê aye vanê ke ma bi kamerayê xo bêrê veşnayîş ma do qetî fek rêçe înan ra vera nêdê."