Sorgul Şêxo

 

EYN ÎSA - Hemsereka Meclîsê Reqayî Leyla Mistefa  derheqê amancê awankerdişê formê Reqayî ser şîroveyê girîng kerd.

 

Leyla Mistefa, derheqê awankerdişê Forma Reqa de şîroveyê girîng kerde û va: "Bi seyan cinî û qebîlayê erebî beşdarê şerê Xelisnayîşê Reqa bî. Ewro zî Reqa ver bi xelisnayîşî şina û ê her kîşte de wezîfe û berpirsîyarîyê xo yê girîng bi ca anê."

 

Leyla wina va: "Formê Reqa ke ame kerdiş ke cinî, ciwanî û kebîlayê erebî beşdar bî. Şarê Reqa bi beşdarbîyayîşê xo mesaj dayî heme dinya. Piştdayîşê înan ê semedê xelisnayîşê Bajarê Reqa pêroyî de yo. Şar merheleyê en berz de bi yew vengî û mezgî xebatê xo dewam kenê."

 

Leyla dîyar kerde ke: "Ma bi awankerdişê Sûrîyeyêke azad û demokratîk, resayî cuyake azad, do cinî bi nê wezîfe ra wirzê. Semedo ke cinî şer û sîyasetê ewro rê raybertî kena. Bingeyê komelêke azad û demokratîk girêdayê bingeyê cuyake azad o. No semed ra awankerdişê Sûrîyeyêke demokratîk û zafnetewî bingeyê awankerdişê sîstemê cinîyan o."

 

Leyla da zanayîş ke: "Qerarê ke ma bigîrê do semedê piştdayîşê Sûrîyeya demokratîk bo. Ma do bajarê xo pîya awan bikerê û wezîfeyê xizmetê şarê Reqa ma do bikerê." 

 

Leyla dewamê qalîkerdişê xo de wina va: "Ma temamê dinya ra vanê, binge û sîyasetê ke ma mintiqa de kenê ê semedê aştî, demokrasî û azadî yo."