Zeynep Turgut

MÛŞ - Maya bi nameyê Sîsê Bîngole (75)  ke 7 aşmî zêde ra Hepisxaneyê Tîpê E yê Mûşî de yena tepiştiş û problemê aye weşî estê, destûr nîno dayîş ke hepsê keyeyî de zî bêro tepiştiş. Avûkatê maya Sîsê vengdayîşê hîsgêrî raya pêroyî de kerdî û vatî ke weşîye maya Sîsê her ke şina ver bi xirabî de şina.

Qezaya Mûşî yê Gimgimî dewa Teknedûze maya  Sîsê Bîngole bi sebebê 'Endamê rêxistine û bi zanayîş hetkarîya rêxistine kerdiş' 6ê nîsane 2016 de amebî tepiştiş. Sîsê da zanayîş ke Dadgeha Cezaya Giran ê Mûşî de amî vînayîş de amebî tehlîyekerdiş. Sîsê semedê nêweşîye xo û halê xo yê 3 aşman tewqîfkerdî amebî tehlîyekerdiş. La Sîsê dimayê 10 aşman de roniştişê dewaya ke ame kerdiş de hetê heyetê dadgehî bi îdiaya "hetkarî dayo rêxistine' bi cezaya 4 serrî û 2 aşmî hepisxane de amebî cezakerdiş.

Maya Sîsê, hetê Dadgeha Îstînafê ê Erziromî ra 8ê nîsane 2017 de dimayê ke cezaya aye amî tesdîqkerdiş, lajê yae zî eynî dewa ra ameyne hukmkerdiş Zafer Bîngol, newe ra ame tepiştiş û eşrawitî Hepisxaneyê Tîpa E yê Mûşî.

Maya Sîsê verê ke bîeşrawê hepisxane bi aşmêke krîzê qelbî derbaz kerd, dermankerdişê aye zî nîmcet mend. Her çiqas raporê maya Sîsê "nieşkena hepisxane de bimano" zî Wezaretê Edaletî hemverê halê bêveng maneno û ti cewabêke nêdeno. ame eşkerakerdiş ke maya Sîsê semedê halê xo yê weşîye îhtîyacîyê xo yê kesî bi hetkarîya embazê xo yê hepisxaneyî de eşkena bi ca bîyaro.

'Sîsê bi emrê xo yê 75 serrî şert û mercê girand yena girewtiş'

Goreyê zanayîşê ke avûkatanê aye ra ame girewtiş weşîya maya Sîsê her roje ver bi xirabîyayîşê şina û ganî binê muşahede de bo. Avûkatê maya Sîsê ard ziwan ke bedenê aye maseno û şert û mercê hepisxaneyê zî zêde weşîye aye keno xeter. Eynî wextî de avûkatê Sîsê dîyar kerde ke înan semedê maya Sîsê waştişê hepsê keyeyê kerdo la semeod ke raporêke hîra derheqê weşîya maya Sîsê de nêameyo dayîş nê waştişê înan zî ameyo redkerdiş. Avûkatê maya Sîsê semedê vengdayîşê hîsgîrî kerd, reaksîyon hemverê vindertişê rayedaran dayî û dîyar kerd ke şert û mercê hukmkerdişî semedê tecawizkar û hêrişkarê zayendî yenê başkerdiş semedê maya Sîsê 75 serrrî nîno başkerdiş.