Ronîda Hacî

 

TIL TEMIR - Her mintiqayêke taybetmendîyê înan cîya esto. Taybetmendîyê şarê Kobanî zî salçeyê îsotan û tûjî yo, ê ke en zaf no karî dir eleqedar benê cinî yê.

 

Salçeyê îsotan û tujîyê yew zî taybetmendîyê şarê Kobanî yo. Ê ke en zaf no karî de kede danê zî cinîyê. Şarê Kobanî salçeyê îsotan ra vanê dimsê  îsotan. Şarê Cizîre ci ra vanê Mihemerî.

 

Salçeyê îsotan tehm dano werdiş!

 

Derheqê babete de Hacir Şêxo ke bi xo Kobanî ra ya û nika Til Temirî de cuyena, serê viraştişê salçeyê îsotan de wina vana: "Ma amadekarîyê mewsîmê zimistanî kenê. Nika ma salçeyê îsotan viraznenê. Ma 4 keyeyê ma 10 kîs îsot ardo semedo ke ma pak bikerê û ma bikerê salçeyê îsotan. Ma sey şarê Kobanî bi tûjîyê xo yenê naskerdiş. Her werdê ke ma viraznenê, ma salçeyê îsotan kenê mîyan."

 

Hacire dewamê qalîkerdişê xo de wina va: "Ma her serre salçeya îsotan viraznenê. Çîyo ke merdim bi kede xo û bi destê xo viraznenê ê amadeyan ra pakê."

 

Semîra Şukrî dîyar kerd ke Şarê Kobanî bi adetê xo girêdayeyê û heta ewro kulturê xo pawenê û wina va: "Bi 20 serrî yo mi keyeyê xo ard Til Temir. Merdim çiqas bajarî xo ra dûr bo zî semedo ke mayî kulturê xo rê wayîr vejenê, no kultur vinî nêbeno. Salçeyê îsotan adetê şarê Kobanî yo û bi destê mayan dewam keno. Ma sey cinîyê Kobanî pîya ma salçeyê îsotan viraznenê."

 

Semîra en peynî kilamêke serê xoverdayîşê Kobanî dîyarê şarê Kobanî kerd.

 

Cinî awankerdoxê cuyayîşîyê, ê ke pawitoxê kultur û tarîxî kena cinî ya. Cinîyê Kobanî zî heta ewro pawitişê bi no rengî kerdê.