MÊRDÎN - Cenazeyê 2 kesê ke tarîxê cîya de cuya xo vinî kerdibî eşrawitî Stenbol. Ame eşkerakerdiş ke nê cenazeyan ra yew ci warê TOKÎ ke taxe Nisêbîn ke şer ameyo kerdiş de ameyo vetiş.

Dimayê kirkerdişê Nisêbînî ke ame kerdiş, taxî ameyî rijnayîş TOKÎ dest bi xebetan kerd û netîceyê vejyayîşê cenazeyan de zî TOKÎ hema zî xebate xo dewam kenê û nêvindernenê. Cenazeyê kesêke cuya xo vinî kerdib û warê TOKÎ ke xebate kenê amebi vînayîş, dimayê demêke derg ke morg de ame vindartiş, na rey zî eşrawitî Stenbol. 

Dimayê şerê Nisêbînî, warê ke TOKÎ tede xebityenê di cenazeyî ameybî vetiş. Cenazeyêke ame tespîtkerdiş ê Abdullah Akî yo. Dimayê testê DNAyî bi rojan eşrawitî Stenbol. Semedê di cenazeyê ke Stenbol de goristanê bêkesan de ameyî definkerdiş, tena keyeyêke muracat kerd.

Hûmare her ke şina zêde bena!

Hûmara cenazeyê ke Nisêbîn de warê şerî ra ameyî vetiş hûmara înan resa 85an û cenazeyê ke goristanê bêkesan de ameyî definkerdiş zî hûmara înan vejyaya 50 kesî.

Heto bîn ra bejayîyê Qoserê Mêrdîn de netîceyê bombardumano ke ameyo kerdiş de 5 kesê ke cuya xo vinî kerdî 4 kesî înan ra Mêrdîn de goristanê bêkesan de ameyî definkerdiş.