TIL TEMIR -  Semedê şermezarkerdişê Komployê Mîyannetewî ro Bajarê Tiltemirî de rayşîyayêke girsî ame viraştiş.

Rayşîyayîş bi beşdarbîyayîşê şarê kurd,ereb, aşûrî, hêzê asayîş û yewîneyê pawitişê şarî YPGî û domanê 7 serrî ra heta pîrê 70 serrî ra ame kerdiş. Cinîyê ke beşdarê rayşîyayîşî bî vatî: "Heta Rayber Apo azad bibo, ma bê mabên çalakîyê xo dewam kenê."

Cinîyê ke beşdarê rayşîyayîş bî azadîya Rayberê PKKî waştî û komployê 9ê teşrîna verêne şermezar kerdî. Cinîyê ke beşdarê rayşîyayîş bî ewnîyayîşê xo ardî ziwan û wina vatî: "Dewletê dişmin rayîrê komplo de waştî ke Apogerî çin bikerê. Ewro bi hezaran Ocalanî

Cinîyan ra Gulîxane zî wina hîsê xo ard ziwan: "Ewro bi  hezaran şarê kurd,ereb û aşûrî semedê şermezarkerdişê 9ê Teşrîna verêne vejyayê meydan. Ewro azadîya Rayber Apo bîyo hêvîye heme şaran, plano ke serê Rayber Apo ame kerdiş heta roje ewro dewam keno. Ma zî sey şarê kurd û dinya têkoşînê xo berz bikerê û xo ver bidê heta ke Rayber Apo azad bibo."

Cemîla ke şarê Asûrî ra ya dîyar kerde ke ê sey şarê Asûrî azadîya Rayber Abdulah Ocalan wazenê."