Pîroz Zirig

 

ŞIRNEX - Qezaya Basa ê Şirnexî, Nefîse Bagdana 65 serrî, domanîya xo de dengbêjî maya xo ra musaya û dewam kena. 22 hebî kilamî aîdê Nefîse estê.

 

Kulturê dengbêjî edebîyatê fekî yê en kan ê kulturê kurdan û eynî wextî de yew sembolo en girîng ê kulturê Kurdan o. Ma tarzê cuya komelî û adetê bi kilaman musnenê. Yew kesê ke no adetî nêdana xovîrrakerdiş Nefise Bagdana 65 serrî ya.

 

'Dengbêjî cuya komelî vanê'

 

Nefîse dîyar kerde ke qijîtîya xo de dengbêjî maya xo ra musaya û wina va: "Mi emrê qij de dest bi dengbêjî kerd. Maya mi kilaman vatêne. Ez zî aye ra musaya. Verê ceyran çin bi. Ma şandînan tarîtî de adirê xo fînayne ta û kilamanê xo ma vatêne."

 

'Mi her wext mîyanê keyeyî de vatêne'

 

Nefîse ke bi kilam û lorîyê maya xo pîl bî nika 22 kilamê aye estê. Nefîse winî dewam kerde: "Ganî kulturê kurdan nîno xovîrrakerdiş. Mi destpêk de kilamanê xo tena mîyanê keyeyî de vatêne. Pîyê mi  erbaneyêke mi rê girewt. Nika ça qelebalixêke bibo ez şina kulturê xo dana cuyayîş. Ganî kulturê kurdî bêro pawitiş.  Ez bi erbaneyê xo kilaman vana. 13 serrî ra dawetan de hunerê xo dewam kena."

 

Nefîse dewamê qalîkerdişê xo de da zanayîş ke û wina va: "Dimayê ke ez zewicya wa mi dest hunerê xo ra vera nêda. Kilamê mi mîyanê wextî de rengê dej û şerî girewtî. Verê ma veyvan de serê eşqî de vatêne. La êdî serê qirkerdişî de yê."