AMED - Arkeolog Nevîn Soyukaya derheqê rijnayîşî yê Alîpaşa û Lalebey dewam kenê de ewnîyayîşê xo ard ziwan û va: "Awanîyê Sûrî bi tescîl ya zî bê tescîl, yanî verê ke têra bikerê yenê çinkerdiş.Awanîyê tarîxî ke kok ra yenê rijnayîş." Nevîne hemverê rijnayîşî vengdayîşê piştdayîşî kerd.

Qezaya Sûrî yê Amedî ke serra 1988 de sey warê SÎT ame îlankerdiş, hetê qanûnê mîyannetewî ra pêwa krîterê pawitişê amebi kerdiş û sey mintiqaya tampon ê yewin mîrasê dinya mojnayî ra. Vuryayîş û rijnayîşê ke yeno kerdiş, goreyê qanûnê hûmara 2863 biameyne kerdiş la awanîyê tarîxî bi kepçeyan kok ra ra yenê rijnayîş.

'Sûr de keyeyê tarîxî yenê çinkerdiş'

Arkeolog Nevîn Soyukayaye dîyar kerde ke awanîya tarîxî yê Sûrî verê ke pisporan pers bikerê, bi hawayoke bê huqûqî bi kepçeyan kok ra yenê rijnayîş û va wazenê tarîxê Sûrî yenê çinkerdiş.

'Ez nêeşkena muşahade bikerî'

Nevîne wina va: "Her tewir mudaxaleyê fîlî ancax gerek binê muşahedeyê arkeologan de bêro kerdiş. Ez sey arkeologêke nêeşkena taqîb bikerî. Sûr kerdê binê abluqa. Destûr nêdanê ma bikoyê zere. Serê vatişê 'ma Sûr newe kenê' Rijnayîşê ke di serrî yo dewam keno merdiman ra nimnenê. Bi ti hawa goreyê qanûnê mîyannetewî tênêgeyrenê."

'Raporê kendişî esto?'

Nevîne da zanayîş ke derheqê rijnayîşî de ti zanayîş nîno girewtiş û va: "Raporê kendişî esto gelo? Çi ê kuçeyan de ame vînayîş? Eserêke tarîxî ame vetiş? Wexto ke ma sebebê rijnayîşî pers kenê vanê ma newe kenê. Ê çira taxê Lalebey û Alîpaşa rijnenê û abluqa esto. Awanbîyayîşê demografîyê Sûrî parçe kenê."