"Abdullah wexto ke qij bi henaran kom kerdêne. Mewsîmê henare de zî rastê komployî yeno. Verê ma de dara henare bereket û yewitî îfade kena. Belê no semed ra heme şarê bindestî sey hebe henare dorê ewnîyayîşêke de benê xeleke."

Aysel Işik

Ma ver bi Amaraya ke semedê Kurdan sey cayê berzbîyayîşê rojî yeno qebulkerdiş, konê rayîr. 9ê Teşrîna verêne 1998 de Rayberê PKKî Abdullah Ocalan bi komployêke mîyannetewî Sûrîye ra ame vetiş û dima ra teslîmê Tirkîya ame kerdiş. A roje ra heta nika şarê Kurdî û cinîyan xoverdayîşê pîlî mojnayî ra. Bi çalakîyê 'şima nêeşkenê rojê ma tarî bikerê' alawê adir resyaî her ca.

Vanê roj… belê roj Amara de akewteno bi rastî zî cîya yo. Her nesil tîya Abdullah Ocalanî nas keno. 7a ra heta 70an her kes vano ke ma dî, ma eşnawit. No semed ra  Abdullah OcalanÎ sey 'roj' bi name kenê.

Wexto ke ma kuçeyê dewe de geyrenê, verê ke ma biresê keyeyê Abdullah Ocalanî kuçeyêke bale ma anceno. Qelbê ma eşt, semedo ke ayabîyayîşê şarêke tîya de gane bi. Ma her hemleyê ke 'rojî' tîya eşto ancenê. Ma şinê keyeyê Abdullah Ocalanî ke emrê xo yê qij de heme şarê dewe kerdo xo verike. Wexto ke ma berayê hewşe akenê, rêçe têkoşînê ewil ameyo dayîş yeno vînayîş. Berayê hewşe nêameyo girewtiş û her kes bi rehetî kono zere.

Bêrîkerdişê domanan

Dewe de geyrê ma dewam keno û ma domanê ke mektebe ra vejênê vînenê. Domanî li ma ageyrenê û vanê 'Şima zanê tîya keyeyê Abdullah Ocalanî yo'. Ma domanan ra pers kenê 'Şima Abdullah Ocalan nas kenê' pers kenê û heme bi yew vengî vanê 'Keyeyê ma vanê, ma rojbûne ey pîroz kenê.'

Şar sey hebê henare yê...

Na dewe ke wayîrê taybetîyêke feodal a, ma vînenê ke cinî bîyê wayîrê vatiş û no zî semedê ma zaf baş o. Dewe de Tirkmenî zî estê. Kurd û Tirkmenî dorê ewnîyayîşêke kom benê. Ma bi tesadufî konê keyeyêke û cinîyêke Tirkmene yena vernîye ma. Cinîya tîya de ya bandurê ke Abdullah Ocalanî serê înan de kerdo qalî kena. Dîyar kena ke  felsefeyê Abdullah Ocalanî hêze dano înan. Heto bîn ra nê vatişê aye bale ma anceno 'Şima na dewe de hinaran vînenê nê? Belê Abdullah wexto ke qij bi her wext henar kom kerdêne. Prosesê komployî zî no mewsîmî de bi ca ame. Verê ma de dara henare bereket û yewitî îfade kena. Verê zî heme şarê bindestî sey hebe henare dorê ewnîyayîşêke de benê xeleke."

Pêwa ke 19 serrî serê komployî de derbaz bi, bandure Abdullah Ocalanî serê dewe de sey rojo ewil o. Şarê dewe tay grevê veşanî, tay çalakîyê xurt ê wextî de bi ca ameyî qalî kenê. Dewijî, embazê ey domnaî û embazê ey rayîrî bi gazîncê ke no prosesî de pasîf mendê.