MÊRDÎN - Nisêbîn de rojê verî de Ayten Aka ke cenazeyê lajê xo ke TOKÎ de vejya cilê ey ra nas kerd, cayê ke cenaze ame vetiş de şûşeyêke soda de nameyê lajê xo Adbullah Akî serê kaxidêke de dî. Keyeyî semedê teşîsî muracatê dozgerîye kerdî û dozgerî va "Nê çî qetî nîyê, ma hêvîye testê DNAyî. O zî dîyar nîyo key do vejîyo."

Dimayê xoverdayîşê îdarekerdişê xoserî yç Nisêbînî, mintiqaya ke pêrodayîş amebi meydan, înşatê TOKÎ dewam keno. Înşata TOKÎ de bi desan cenazeyî ameyî vetiş û hewteyê verê cenazeyê camêrdêke ke betanî de amebi lefnayîş ame vînayîş. Goreyê îdiayan cenaze eşrawêtê Qoser û hetê keyeyan ra ameya teşhîskerdiş. Wexto ke cenaze amî vetiş, maya ke cil û belgê lajê xo nas kerd, dima ra cayê ke cenaze ame vetiş şûşeyêke soda de kaxidêke vejîya û serê kaxîdî de nameyê lajê aye estbi. Keyeyî serê kaxidî de nameyê lajê xo dî û muracatê dozgerî kerdî.

Mîyanê xirbe de lajê xo geyra

Dozgerî pêwa vatişê keyeyî va ke bê teşîsê DNA cenaze nêdanê keyeyî û nêvatî ke cenaze eşrawitê ça. Maya Ayten Ake ke dimayê serrêke û nîm esteyê lajê xo dî, no prosesê ser û nîm de her wext mîyanê xirban de cenazeyê lajê xo geyra.

'Mi cil û belgê lajê xo nas kerdî'

Aytene dîyar kerde ke înan zanayîş girewto ke prosesê ewil ê pêrodayîşî de lajê aye cuya xo vinî kerdo û wina va: "Dimayê ke qedexe mae wedartiş, ma şî taxe û cenaze geyray. Ma keyeyê xirabe, bodruman û dolaba qeşayî ewnîya. Wexto ke zerrîya mi teng bîne, ez şîne taxe û biye mi vejyayne. Her cayê herre Kurdistanî de pirî esteyê bê gorê."

'Ma şûşeyê soda de nameyê ey dî'

Aytene dewam de va ke dimayê ke fotografê lajê aye mojnayî ra, lajê xo nas kerdo û va şûşeyê soda de cayê cenaze ame vetiş de kaxidêke vejîya û ser de Abdullah Ak estbi. Aytene wina dewam kerde: "Ma şî dozgerî ma ra va bê testê DNA cenaze nêdanê. Heto bîn ra zanayîş nêday ke cenaze ça de ya. Nika taxê ke pêrodayîş ame cuyayîş cenazeyî estê. Mi texmîn nêkerdêne lajê mi uca ra vejîyo. Hema cenazeyî estê la TOKÎ bêmabên dewam keno."

Pey ey de pisînge ey mende...

Aytene dewamê qalîkerdişê xo de va pisînge Abdullahî bi nameyê Şînê mende û qiseykerdişê xo winî qedêna: "Pey ey de hîkayey û pisînge ci mendî. Rojêke reyna Mêrdîn de dewayê ey bî. Ageyrayîşî de pisînge vîneno û ano keye. Nika pisînge ey pîl bî. Ma zaf baş ewnîyenê pisînge ey ra."