Şehrîban Aslan

AMED - Platformê Piştdayîşî Bi Sûrî dir reaksîyon hemverê rijnayîşê taxê Alîpaşa û Lalebey de dewam kenê day û dayî zanayîş ke do xo biresno Hewsel û Fîskaya zî. Endama Platformî Benazîr Coşkune da zanayîş ke hedefê esas ê rijnayîşî cuya komunal o.

Semedê piştdayîşê şarê Sûrî, xeylê sazgeh û heyetê cîya serdayîş kenê û rojê verî de endamê Platformê Piştdayîşê bi Sûrî dir Stenbolî ra ameyî Amed. Hemverfekê Platformê Piştdayîşê Bi Sûrî ra Ayşe Erzane da zanayîş ke rijnayîş û abluqa Sûr de dewam keno, hemverê peymanê ke Tirkîya û sazgehê heqê merdiman îmza kerdê yo.

'Amanc hişê tarîxî yo'

Ayşe wina va: "Rijnayîşê Sûrî heme vîyartoxê tarîxî, warê hezaran serrî çin keno. Sûr prosesê înşakerdişê newe yê keyeyê betonan qetî heq nêkeno. Amancê înan o yo ke hiş û tarîx çin bikerê."

Ayşe dewam de wina va: "Semedê Sûrî, Stenbol de kampanyaya îmzeyan dewam kena. Cehdeyê kawşaxan de masa ameyî awankerdiş û texrîbatê Sûrî merdiman rê yeno vatiş. Çapemenîya hetgirewtoxe nê çîyan nêmojnena ra. Heqê merdiman yeno îhlalkerdiş. Na babete, babetêka akerdîya ganî şêro mercîyê mîyannetewî."

Endama Platformê Piştdayîşê Bi Sûrî dir Benazîr Coşkune zî va ê sey platformî Amed û Stenbol de bi hawayoke

Benazîre ard ziwan ke înan kampanyaya îmzayan û stand dayî destpêkerdiş û dimayê îlankerdişê îdareyê xoserî ra 6 taxî ameyî çinkerdiş.

'Hedef cuya komunal o'

Benazîre nê çî va: "Sûr hetê UNESCO ra sey mîrasê kulturî yeno vînayîş. Bi nê dir 6 taxan de sînor nêmendî. Do Sûr ra biresnê  Hewsel û Fîskaya. Wazenê ke winî cuya komunal meydan ra wedarnê. Ma do şarê Sûrî tena nêverdê."