Medîne Mamedoglu

MÊRDÎN - Ame eşkerakerdiş ke tewqîfkerdeyê ke hepisxaneyê Tîpa E yê Mêrdînî de nînê dermankerdiş û hepsî hemverê tedayan bêveng nêmanê û surgunê hepisxaneyê bînan yenê kerdiş.

Bi OHAlî dir hepisxaneyan de teda zêde bî. Hepisxaneyê Tîpê E yê Mêrdînî ke bi îşkence, şîdet û heqeretan her wext yenê rojeve, tedayê serê hepsîyan zêde benê. Goreyê zanayîşê ke keyeyan dayî, hepisxane de hepsî her wext rastê heqeratan yenê û hepsî nînê dermankerdiş. Hepisxaneyo ke 28 kes kerdê koxuşêke, ame vatiş ke ca çin o ke hepsî bikoyê ra.

Hepsî nînê dermankerdiş

Hepsîyê ke semedê nêweşxane muracatê îdarekarê hepisxaneyî kenê, îdarekarê hepsî aşmêk ra dima ageyreno înan û hepsîyê ke hemverê nê caardişan yenê zî surgunê hepisxaneyê bînan yenê kerdiş. Hepisxaneyo ke hem hepsîyê cinî û hem zî camêrdî ê sîyasî estê, keyeyê înan dîyar kerdî ke dermankerdişê xo bi xo kenê. Zanayîşê ke dayî keyeyan winî yê; "Wexto ke ma wazenê birê dermankerdiş, aşmêk ra dima ageyrenê ma. Hal se beno wa bibo zanayîşê înan nêvuryeno. Wexto ke embazê ma hemverê nê çî vejenê yenê surgunkerdiş. Her wext erzenê serê odanê ma. Ma rastê derbkerdiş û heqeretan yenê."

Koxuşêke de 28 kes manenê û ca çin o ke hepsî bikoy ra. Îdarekarê hepisxaneyî zî hemverê nê reaksîyonan bêveng o.