AMED - Hasîna Çetînkaya ke taxe Alîpaşa de cuyena û dare aye tuya 80 serrî binê versîya rijnayîşî de têkoşînê cuyayîşî danê. Hasîna dîyar kerde ke nobedare bê ziwan 'dara aye tuye' êdî bîya embaza keyeyê aye û va do destûr nêdê birnayîşê aye.

Taxê Alîpaşa û Lalebey de rijnayîş dewam keno. Alîpaşa de rijnayîş sera 85 temam bîyo û Sûr gam bi game bê çî yeno verdayîş. Yew ci ra hemwelatîyê ke Sûr de mexdûr bîya Hasîna Çetînkaya ya.  Hasîna û dare tuwa ke hewşe de ya hemverê rijnayîşî têkoşîn kenê.

'Ez rijnayîşî rê destûr nêdana'

Hasîna ard ziwan ke dare aye şahidîyê serrê aye ê wextê domanî, ciwanî û pîrbîyayîşê aye kerdo û wina va: "Dara ma semedê keyeyê ma zaf girîng a. Rijnayîşê ke  Sûr de dewam keno bandurêke pîl serê cuya ma de keno. Hamnanî domanê mi binê versîya aye de konê ra. No di serrî yo heme vîrardişê Sûrî pak kerdî. Verê vatî ke pêrodayîş esto û veşnayî. Dima ra dore amî ma. Hewl danê ke ma musnayîşê nê çîyan bikerê. Merdim senîn eşkeno bimusê çinkerdişê ameyoxê xo. Ez destûrê talankerdişê keyeyê xo, ameyoxê xo, dara xo nêdana."

'Na dare şahidê tarîxî kerda' 

Hasîne dewam de da zanayîş ke dare aye 'nobedara bi ziwanî ê 40 serrî keyeyê aye ya û nê çî vatî: "Ez hemverê birnayîşê dara xo temaşekerdox nêmanî. Wexto ke mi keyyeê mi ra vejê do dare mi zî tira bikerê. Bi 40 serrî ma binê versîya dare xo de nêşnenê ro. Na dare tarîxê Sûrî rê şahîdî kerdo."

Hasîna peynîye qalîkerdişê xo de da zanayîş ke derheqê kulturê înan de çi esto çin kenê û va do qetî destûr nêdê nê rijnayîşî.