EFRÎN- Hemserekê komînan ê Mintiqaya Reco û qezayê ci semedo ke dest bi karê xo bikerê sondê fermî wendî.

Heyetê Federalîyê Demokratîk yê Vakurê Sûrîye binê sloganê "komîn mekteba demokratîk û îdarekerdişê xoserî ya" semedê hemserekê ke weçînayîşê Komînan de bi ser kewtê salone Mîra de kombîyayîşêke viraşt. Kombîyayîş bi beşdarbîyayîşê civînek Tevgerê Komlê Demokratîk TEV-DEM û 200 û 32 Hemserekê komînan ê mintiqaya Reco û qezayê ci (Bilbil,Meydana,Behdîna) de ame viraştiş.

Kombîyayîş bi deqeyêke rêzgirewtiş dest pêkerd. Dimayê Endamê Heyetê Îdarekerdişê Federalîyê Vakurê Sûrîye, Rohilat Arif mojna ra ke komîn semedê rêxistinkerdişê şarî û xizmetê hemwelatîyan ame awankerdiş.

Dima ra belge çarçeweya kar û xebatê komînan de bi di ziwanan erebî û kurdî hetê di endamê Heyetê Îdarekerdişê ê Federalîyê Vakurê Sûrîye Rîm Qirmo ame wendiş.

Peynî de hemserekê Komînan bi ziwanê kurdî sond wendî.

Kombîyayîş bi şahî û gernayîşê govende peynî bi.