Şîlan Ozhan

SÊRT - Çemê Botanî ke bi xoza û tarîxê xo yeno zanayîş û 47 dewî ke bi 16 awbendê bi sebebê 'asayîşî' yenê viraştiş do binê awe de bimanê. Awbendî eynî wextî de berardişê sey hinar, fistik û menengîçî zî çin bikero.

Çemê Botanî ke Sêrt de yo, hem hetê tarîxî de û hem hetê hemwelatîyan de wayîrê girîngîyêke pîl o û bi weşikbîyayîşê xozaya xo bale anceno. Çemê Botanî ke semedê kilam û hîkayeyan bîyo babete, nika bi xeterê binê awe de bimano de yocf.

Awanîyê dêre, arê, kela, camî û pirdo tarîxî, dewî û baxçeyê nat û wetê gelî bi awbendan dir binê awe de bimanê.

Henare zîvzîke bi çinbîyayîşî dir rî bi rî ya

Sêrto ke do beşêke pîl binê awe de bimano, en peynî kendişê ke ame kerdiş de qezaya Tîlo bajarêke wayîrê tarîxê 6 hezar serrî ame vînayîş. Heto bîn ra dewa Zîvîk şîrketêke Norveçî serê çemê Botanî awbendê Çetînî da destpêkerdiş û na zî beşêke pîl ê dewa Zîvzîkî ya do binê awe de verdo. Henarê Zîvzîkî zî do winî çin bê.

Serê çemê Botanî de do 16 awbendî bêrê viraştiş

Hetêke awbendê serê çemê Botanî yenê viraştiş, awbendê Ilisuyî zî do texrîbatêke pîl akero. Serê çemê Botanî de pêroyî de do 16 awbendî bêrê viraştiş. Awbendê Çetîn, Lîmak, Kîrazli û Perwarî nika ver bi qedênayîşî. Di hebî zî merheleyê viraştişî de yê.

Bi viraştişê awbendan hewl yeno dayîş ke, mintiqa bê merdim verdê. Şarê mintiqa mecbur maneno ke koçê metropolan bikerê zî do rastê zor û zehmetîyan bêrê û do verê ey de betalî zî virazyo. Nika bi viraştişê awbendan dir do Sêrtî de 47 dewî binê awe de bimanê.