Neval Akyuz

 

AMED - Qezaya Sûrî rê girêdaye dewa Çarikli de Pinar Yaşare û mêrdeyê xo bi hawayoke hempar dikanê terzîtî xebitnenê û vanê ke merdim eşkeno cuyaka hempar bido ro. Pinare da zanayîş ke hemverê komelo ke cinî keno kole ganî sere bêro wedartiş û wina va: "Cinî cuyayîş munena û eke cinî cuyake rast nêmuno, bena koleyê camêrdî."

 

Pinar Yaşare qezaya Amed Sûrî ra girêdaye dewa Çarikli pêwa mêrdeyê xo dikanê terzî xebitnenê. Pinare hîkayeya xo winî qalî kerde: "Mi mêrdeyê xo rê pêşnîyazîye warê hempar û têkoşîn kerd. Dima ra ma qerar da ke dikan akerê û cinî timûtim yenê zîyaretî. Bi serrêke yo ma hawayoke hempar dikanê xo xebitnenê. Verê zî Qoser de mi no karî kerdêne, semedo ke maya mi terzî bî ma pîya kar kerdêne. Semedo ke ez mêrdeyê xo dir pîya kede dana mi heqwerdiş nêdî."

 

Karê xo de cinîyan dir piştdayîş

 

Pinare da zanayîş ke xebitnayîşî dikanî zehmetî bibê zî dima ra hêz dano merdimî. Pinare ard ziwan ke bi kerdişê terzîtî alternatîfê ekonomîye xo viraznena û semedo ke cîyayîşî nêkenê mîyanê camêrd û cinîyan mîyanê dewe de yenê tesdîqkerdiş.

 

Pinare ard ziwan ke her çiqas pêserî nêkerdo zî la semedo ke sermîyan a kêfweşa û wina va: "Mi tîya de mojna ra ke pêwa heme çî cinî eşkenê serê linganê xo de vinderê, tena binê sîye camêrdan çin bo zî eşkenê bicuyê. Ma waşt ke cuya hempar bimojnê. Semedo ke na nuqta de cinîyan dir parekerdişê ma esto, mi rê baş yeno."

   

'Cuyayîş cinî munena'

 

Pinare va ke dewe de xeylê cinî nêwazenê ke binê sîye camêrdan de bicuyê û wina va: "Nika tay cinî, mêrdanê xo dir baxçeyê xo ramnenê. Tayê xo eewnîyenê heywanan ra, tay zî sey ma cayê ke bixebitnê akerdî. No hal mi kêfweş keno."

 

Pinare peynî de zî va ke tena karê dikanî de nê karê keyeyî de zî hempar têgeyrenê û wina va: "Cuyayîş cinî munena, eke cinî cuya ke rast nêmuno do bibo koleyê camêrdan" û va ke ganî cinî bi ferasetêke camêrdan berz bikero û xo kole bikero nêzdî nêbo.