AMED -Şahidê eşkera yê dewaya Hemşaredara Hênî Besîle Narîn, Merdan Rûştûovalîoglû dîyar kerd ke o nêzano hemşaredare kam a.

 

Roniştişê dewaya Hemşaredara qezaya Hênî ya Amedî Besîle Narîn ke bi îdiayê “endama rêxistine ya” amebî akerdiş, 4ine Dadgeha Cezaya Giran ya Amedî de amî vînayîş. Besîle Narîn beşdarê roniştişî nêbî, avûkatê aye Yusuf Çakas amade bî.

 

Şahidê eşkera Merdan Rûştûovalîoglû bi rayîrê Sîstemê Agahdarîyê Veng û Dîmen (SEGBÎS) tewrê roniştişî bî. Merdan Rûştûovalîoglû da zanayîş ke o Besîle Narîn nas nêkeno û va, "Nameyê aye nîno vîrê mi. Îfadeyê min ê verê de zûrî çin ê. Semedo ke ez nêzana a kam a, ez nêeşkena agahîyêke zelal bidî. Eke versûce amade bo, ez eşkena vajî; ez nas kena yan nê.”

 

Dadgehe qerar da ke Besîle Narîn semedê roniştişê bînî amade bo û roniştiş taloqê 26ê hezîrane kerd.