AMED - Cenazeya Dayîka Aştîye Sakîne Arat ke dinyaya xo bedelnaye, bi tewrbîyayîşê seyan kesî ver bi ebedîyetî ameye oxirkerdiş.

 

Dayîka Aştîye Sakîne Arat ke bi serran o mîyanê têkoşînê şarê kurdî de ca gêna, rojê verê Amed de dinyaya xo bedelnaye. Goreyê wesîyetê aye cenazeya Sakîne Arat Goristanê Yenîkoyê Asrî yê qezaya Rezanî ya Amedî de ameye definkerdiş. Dayîkê Aştîye xeylêk bajaran ra ameyî, Têgêrayîşê Cinîyanê Azadan (TJA), Komeleya Cinîyan a Rosa, Partîya Têduştî û Demokrasî (DEM Partî), Hemsereka Pêroyî ya Partîya Herêmanê Demokratîke (DBP) Çîgdem Kiliçgûn Uçar, Meclîsê Cinîyan ê DEM Partî û DBP'yî, Partîya Sosyalîstê Bindest (ESP) tewr bî.

 

Cenazeya Sakîne Arat ke wecîbeyê dînî yê aye morgê goristanî de ameyî kerdiş, bi ambûlanse ardî cayê ke ameya definkerdiş. Na mabêne de cinîyan sloganê "Şehîd namirin" berz kerdî.

 

'Wa êdî zerrîya tu kesî nêveşo'

 

Badê definkerdişî, dayîka Aştîye Mûrûvet Demîr qisey kerd û vat, "Waştişê dayikan her tim aştî bî. Hesreta xo de mende. Zerrîya ma şikestî ya, wa êdî zerrî nêveşo. Silamanê xo pêro şehîdan rê şirawena."

 

Sersaxiyê semedê Sakîne Arat do Keyeyê Sersaxî yê Odabaşi Bal de bêrê qebûlkerdiş.