MERKEZÊ XEBERAN - Dadgeha Laheyî semedo ke cinîyêke êzidî “esîr girewta” 10 serrî cezaya zîndanî Hasna A. rê birna.

 

Dadgeha Den Haagî cinîya hollandîyîje Hasna A. ke badê tewrê çeteyê DAIŞî bî cinîyêke êzidî ke Sûrîye de esîr girewtebî, bi 10 sûcê “esaretî”, “endamîya rêxistina terorî”, “teşwîqkerdişê sûcê terorîstî” 10 serrî cezaya zîndanî aye rê ameye birnayîş.

 

Dadgehe beyanatê xo de bale ant nê ser ke "esîrgirewtişê cinîya êzidî sucêk teberê merdimayî yo.”

 

Badê ke çeteyê DAIŞî serra 2015ine de hîm herêmê Rojawan û Sûrîye îşxal kerdî, Hasna A. lajê xo yê 4 serrî dir şîye Sûrîye. Hasna A. cinîyêke êzidî sey kole girewtibî. Hasna A. teşrîna peyêne 2022ine de pêwa 11 cinîyê hollandijî û 28 tutê bînî Vakur û Rojhelatê Sûrîye agêrayî Hollanda. Nê cinî badê ke ameyî herra Hollandayî ser, tepişyayî.