MERKEZÊ XEBERAN - Rejîmê Îranî bi îdiayê “propagandayê hemverê rejîmî” bi pêroyî 8 serrî û 6 aşmî cezaya zîndanî da rojnamegere Saeede Shafîeî û Nasim Sultanbeîgî.

 

Rojnamegerê cinî Saeede Shafîeî û Nasim Sultanbeîgî Îran de bi îdiayê “Propagandayê hemverê rejîmî” de yenê muhakemekerdiş. Rejîmî seba her rojnamegerêke 4 serrî û 3 aşmî cezaya zîndanî birna. Roniştişê dewa Şubeyê 26ine ê Dadgeha Şorişî ya Tehranî ame kerdiş. Dadgehe bi îdiayê “Propagandayê hemverê rejîmî” 8 aşmî cezaya zîndanî û bi îdiayê “Neqlkerdişê têkilî û peymanê nimite” zî 3 serrî û 7 aşmî cezaya zîndanî birna.

 

Eynî wextî de dadgehe qerar da ke wirdî rojnamegerî mîyanê 2 serran de nêeşkenê tewrê tu komê sîyasî û komelî bibê û nêeşkenê vejîyê teberê welatî. 

 

Rojnamegere Mehrnoosh Zareî Hanzakî zî eynî dewa ameyîne muhakemekerdiş, beraet kerd.