ANQARA - Îdianameyê Hemsereka DFGyî û edîtora MAyî Dîcle Muftuoglû û edîtorê MAyî Sedat Yilmaz zî mîyan de 19 kesan ame amadekerdiş û pêşkêşê dadgehe ame kerdiş. 

 

Cipersayîşê derheqê Hemsereka Komeleya Rojnamegeran ê Dîcle Firatî (DFG) û edîtora Ajansê Mezopotamyayî (MA) Dîcle Muftuoglû û edîtorê MAyî Sedat Yilmaz zî mîyan de 5 ci ra tepişte, 19 kesan temam bî. Dîcle û Sedatî seba xebatê xo yê rojnamegerî 3yê gulane de ameyî tepiştiş. Îdianameyê 19 kesan ke temam bî, pêşkêşê 28ine Dadgeha Cezaya Girane ya Anqarayî ame kerdiş. 

 

Dadgehe do mîyanê 15 rojan de îdianameyî qebûl bikero yan zî do red bikero. 

  

Çarçewaya Serdozgerîya Komare ya Anqarayî de 15 bajaran de operasyon amebi destpêkerdiş. Sereştişê keyan de 19 kesî amebî destbendkerdiş. Hemsereka DFGyî û edîtora MAyî Dîcle Muftuoglû û edîtorê MAyî Sedat Yilmaz zî mîyanê destbendkerdişan de bî. Fîlîz Yilmaz dimayê îfadeyê dozgerî amebî veradayîş. 15 kesî bi waştişê tepiştişî û 3 kesî zî bi şertê kontrolê edlî sewqê Dadgeriya Cezaya Sulhî ya Nobedar a Anqarayî amebî kerdiş. 

 

Dadgerî, derheqê rojnameger Sedat Yilmaz û Dîcle Muftuoglû, Erol Balci, Abdurrahîm Tanyerî û Ramazan Debe de qerarê tepiştişî da. Cinîya Sedat Yilmaz, Selma Yilmaz, Cahît Kanbay,  Cîhan Guneş, Îsamîl Adanmiş, Cahît Ablay, Mahmut Dogû, Devran Ak, Şemsettîn Toprak, Mehmet Emîn Yildirim, Cevdet Îsmaîlogûllari, Hasan Ozhan, Evîn Ozbek û Sûat Karagoz bi şertê kontrolê edlî yê îmza û qedexeyê vejîyayîşê teberê welatî de amebî veradayîş.