MERKEZÊ XEBERAN - Bajarê Dihokî de şewa vîyarte de cinîyêke bi çeke ameye qetilkerdiş. Kerdox hema nêameyo tepiştiş.

 

Bajarê Dihokî yê herêma Kurdistanî taxa Zanko de şewa bîn cinîyêke bi çeke ameye qetilkerdiş. Eşkerayîya ke hetê Mudurîyê Polîsê Dihokî ra ameye dayîş de, cinîya ke ameye qetilkerdiş 32 serrî ya û dayîka 3 tutan a û da zanayîş ke hema kerdox nêameyo tepiştiş û derheqê hedîse de tehqîqat dayê destpêkerdiş. 

 

Herêma Federe ya Kurdistanî de seba qanûnê ke camêrdan pawenê, şîdetê hemverê cinî her ke şino zêde beno. Goreyê bîlançoyê Rêxistina Hetkarîya Yasayî ya Cinîyan ê Herêma Kurdistanî, serra 2021ine de 13 hezar û 584, serra 2022ine de 15 hezar û 897 hedîseyê şîdetê cinî ameyê qeydkerdiş.