Mîdye Miqted

 

Rayberê PKKyî Abdullah Ocalan Zîndanê Tîpê Fyê bi Asayîşê Berzî yê Îmraliyî binê şert û mercê giranî yê tecrîdî de yenê tepiştiş û 2 serran ra zêdeyêr o tu agahî ci ra nîna girewtiş. Sewbîna çarçewaya şermezarkerdişê mektubê tehdîdî yê ke dewleta tirke dayê Ratberê PKKyî Abdulalh Ocalanî de, Kongra Star bi kordîneyê Partîya Yewîya Demokratîke (PYD) bi sloganê “Bi ruhê xoverdayîşê Îmraliyî, ma do têkoşîn girs bikerê û tecrîd peynî bikerê û zorê îşxalkerdişî berê seba ke azadîya Rayber Apo misoger bikerê” 15ê temmuze çalakîya konronayîşî organîze kerdî. Kone raşteyê Cibênatî ya rojhelatê taxa Şêxmeqsûdî ya Helebî de ameye ronayîş. Endamê sazgehê sivîl û partî tewrê çalakîye bî.

 

Cinîyê ke tewrê çalakîye bî ajansê ma JINNEWSî rê qisey kerdî.

Venga CPTyî kerd

 

Serkêşa Komîngeha Pakrewan Şîlan Kobanê Fatme Ebdo, destpêkê qiseykerdişê xo de bale ant serê çalakîya konronayîşî û vat: "Bi çalakîya konronayîşî ma hewl danê ke bi pêro hawa paştdayîşê serekê xo bikerê. Hemverê nê de êdî dewleta tirke bi her hawayî hêriş bena serê şarê kurdî. Seba îradeyê  şarê kurdî bişkêno muracatê rayîrê cîyan kena. Bi mektubê tehdîdê kiştişî Rayberê PKKyî Abdullah Ocalanî rê kenê. Wazenê ma çin bikerê. Ma venga  tevgerê xo yê dîblomasî kenê ke hemverê nê çîyan bikewê tevger."

 

Fatme, dîyar kerd ke venga tevgerê sîyasî kenê ke  têkilîyê xo bi Komîteyê Vernîgirewtişê Îşkenceyî yê Konseyê Ewropa (CPT) ronê û zext dewleta tirke rê bikerê ke tecrîd werte ra wedarnê.

 

Hemverê tecrîdî de venga rayaumûmî yê dinya kerd

 

Endama Partîya Yewîya Demokratîke (PYD) Cîhan Birîm zî hemverê tecrîdê Rayberê PKKyî Abdullah Ocalan ard ziwan û vat: "Ma tecrîdê serê rayberê xo ke 25 serrî yo yeno rayraberdiş, şermezar kenê. Eynî wextî de ma tu agahî ci ra nêgînê. Hemverê tecrîdî ganî çalakî bêra organîzekerdiş. Sewbîna çi bêro waştiş ma her wext amade yê. Seba ke rayberê ma rayîrê roşn û azadîye seba ma akerd. Bi fikr û fehmê rayberî û sewbîna bi xoverdayîşê ci şarê kurdî vengê xo pêro dinya rê vila kerd.”

 

Cîhane zî peynîya qiseykerdişê xo de hemverê tecrîdî de venga pêro rayaumûmî dinya kerd û vat: "Ma wazenê derheqê rewşa rayberê xo de agahîyêke bigîrê.”