ÎZMÎR - Cinîyan derheqê polîtîkayê şerê taybetî yê Kurdistanî de yenê rayraberdiş û hêrişê hemverê Rojawanî de qisey kerdî û dîyar kerdî ke ganî bi hawayêkê topyekun hemverê nê de têkoşîn bêro rayraberdiş.

 

Dimayê weçînayîşê 14 û 28ê Gulane dima hêrişê hemverê Rojawanî zêde bî. Tirkîya de 20ê Hezîrane de bi Teyareyê Hewayî yê Bê Merdimî (SÎHA) hemsereka Kantonê Kamişlo Yusra Derwêş, temsîlkara aye Lîman Şîwêş û şoforê wesayîtî Firat Tuma qetil kerdibî. Pêwa nê hêrişê hemverê Vakur û Rojhelatê Sûrîye dewam kenê. Cinîyan derheqê hêrişan de fikrê xo ardî ziwan û dîyar kerdî ke Tirkîya tenê şerê germî rayra nêbena, pêwa nê Kurdistan de polîtîkayê şerê taybetî serdest ê, şer zaf hetî ra yeno rayraberdiş û sebebê nê zî tecrîdê serê Rayberê PKKyî Abdullah Ocalan o.

 

‘Hedef cuya kolektîf û destkewtişê cinîyan o’

 

Hemsereka HDPyî ya Îzmîrî Berna Çelîk qisey kerd û da zanayîş ke suîkast û hêrişê Rojawanî rewşêke newe nîya û wina vat: “Roja prosesê Şorişê Rojawanî ameyo destpêkerdiş heta nika bi rayberîya cinîyan prosesê şorişî ame ciwîyayîş. No proses hîn hetan ra nêame qebûlkerdiş. Taybetîyêk nê şorişî o bi ke şar xo bi xo rayra bero, vatişê xo vajo û her wareyê cuye de xo îfade bike ro yo. Demê peyîn de hêrişê ke yenê kerdiş, hemverê cuya kolektîf û destkewtişê cinîyan o. Serrê peyîn de têkoşînêk pîl yê tevgerê azadîya cinî rayra beno esto û yew ci ra nimûneyê somut sîstemê  hemserekîye yo. No hêriş zî seba çinkerdişê destkewtişî yenê kerdiş.”

 

‘Tifaqêk ke cinîyan çin hesibneno esto’

 

Berna sewbîna bale ant serê polîtîkayê şerî ke AKP-MHP bi serran o û wina vat: “Na polîtîka hem bi qirkerdiş, hem zî bi hêrişê hemverê destkewtişî yena kerdiş. Prosesê dimayê weçînayîşî de hêrişî zêde bî. Seba nasnameyêk cinîyan xo bîyaye keno esto. Îqtîdarêk ke nê têkoşînî qebûl nêkeno û cinî çin hesibneno esto. Bi taybetî weçînayîş de bi HUDA-PARî rê tifaq viraşt. HUDA-PAR bi serran Kurdistan de hemverê şaran suîkast kerd û şarê kurdî qetil kerd. La ma cinîyê kurdî têkoşînê xo dewam bikerê. Cinîyê ma vînî kerdî. Ma xo rê xerîteya rayîrî amade kerd. Ma do xeta têkoşînî de rayra şêrê.”

 

‘Polîtîkayê şerî yê Tirkîya pêro sîstemî dîyar kenê’

 

Hemsereka Komeleya Hetkarîya Keyeyê Tepişteyan ê Egeyî (EGE-TUHAYDER) Nîlay Guleser zî bale ant serê polîtîkayê şerî yê Tirkîya û vat: “Şer tesîr serê ekonomî, kultur, weşî, sîyasetî keno. Cinîyan zî hedef gêno. Hêrişê Rojawanî de cinî hedef yenê girewtiş. Nê hêrişî hem hemverê têkoşîn û hem zî hemverê şorişê cinî yo. Tirkîya de zî zextî zêde bîyî. Tîya de tesîrê serê hetê muhafazakar yê meclîsî de yo xeylêk zêde yo. Dişminî cinî yê meclîsê ke paştdayîş danê polîtîkaya şerî yê. Tirkîya de cinî û tutî hedef de yê. Bi taybetî cinî û tutê kurdî hedef de yê. Vanê ke şer çin o la şer esto. Çi heyf Kurdistan de rewşe wina nîya.”

 

Nîlaye bale ant serê tecrîdê giran yê serê Rayberê PKKyî Abdullah Ocalanî û vat bi tecrîdî reyde na rewşe raste rast tesîr serê pêro zîndanan kerdo û tepişteyê sîyasî sey esîr vînenê. Nîlaye dîyar kerd ke  tecrîd pêro welatî de vila bîyo û ganî hemverê nê têkoşînêk xurt bêro rayraberdiş.