MERKEZÊ XEBERAN - Derheqê 54 avûkatê ke paştdayîş da keyeyê Jîna Emînî ke hetê rejîmê Îranî ra amebî qetilkerdiş, cipersayîş ame destpêkerdiş.

 

Jîna Emînî paytextê Îranî yê Tehranî de netîceyê îşkenceyê “Polîsê exlaqî” de amebî qetilkerdiş. 54 avûkatî zî bi eşkerayîyêke hempar paştdayîşê xo yê bi keyeyê Jîna Emînî reyde neql kerdibî. Avûkatan  bi îmzayê hempar de dîyar kerdibî ke selahîyetdarê hukmatî bêqanûnî têgêreno û na rewşe şermezar kerdibî. 

 

Serdozgerîya Bokanî seba îfadeyî venga 54 avûkatan kerd. Nuşteyê serdozgerîye yê avûkatan rê ameyo şirawitiş de wina ame vatiş: "Seba weşanayîşê resim, fîlm û nuşteyê hemverê pawitişê metodê pêroyî venga îfadeyî ameyo kerdiş." Sewbîna nuşte de ameyo vatiş ke ganî avûkatî mîyanê 5 rojan de îfadeyê xo bidê û dima ra zî do vejîyê dadgehe.