Dîlan Babat

 

ANQARA - Rayberê PKKyî Abdullah Ocalan dîyar keno ke bingehê problemê kurdî û problemê komelî, problemê cinîyan o û vat, ganî keyeyê cuya azad, awanîyê azadî yê cinîyan bibê û ganî cigêrayîşê cinîya azad bikewo bingehê xebatan. Abdullah Ocalan sewbîna kiştişê cinîyan zî sey wehşetêk pîl ercneno û vano, şorişê ke cinî azad nêkero şoriş nîyo, rêxistina ke cinî bi rêxistin nêkero, rêxistin nîyo.

 

Polîtîka û hêrişê îqtîdarî yê hemverê destkewtişî yê cinîyan raşteyê biasayîş yê cinîyan çin keno. Roje tewr tay 3 cinî yenê qetilkerdiş. Goreyê xeberê ke her aşme JINNEWS arêdano aşma gulane de 39 cinî ameyî qetilkerdiş û 23 cinî zî bişik dinyaya xo bedelnayê.

 

Ma ercnayîşê Rayberê PKKyî Abdullah Ocalanî yê derhe şîdet û qetilkerdişê cinîyan de ercnayîş kerdo û pêşnîyazîyê alternatîfî kom kerdî. Abdullah Ocalan pêvînayîşê bi heyetê Îmraliyî reyde yê mabêne serra 2013-2015ine de azadîya cinî zî ercneno.

 

‘Azadîya cinî têkoşînê Sakîneye yo’

 

Abdullah Oalan pêvînayîşê 23yê Sibata 2013ine de dîyar keno ke şarê ke cinîyê înan azad nêbê, şansê înan yê azadî zî çin o û wina vano: "Ma tevgerê azadîya cinî ciwîyenê. Sakîne Cansiz nimûneyêk a. Azadbîyayîşê cinî têkoşînê Sakîneye yo. Ganî cinî azad bibê. Lehengê pîlî yê cinî estê. Pîrozîya cuye muhîm a. Ganî cinî fek koletî ra fek vera bidê. Azadbîyayîşê cinî îlahîye yo."

 

‘Cinîya azade sey rojî berz bena'

 

Pêvînayîşê 18ê Adara 2013ine de Abdullah Ocalan dîyar keno ke ganî Rojhelatê Mîyanên berz bibê û wina vat: "Ganî şima xo laver berê. Cinî demo ke keye de bimanê, benê kole. Cinîyê azadî sey rojî berz benê. Vatişê cinî û cuye zaf muhîm ê. Wa cinîyê azadî biresê. Ganî keyeyê cuya azad, awanîyê azadî yê cinîyan bibê. Ganî cayê ke cinî qerarê xo danê bibê. Kede bidê, bawer bikerê. Xebatê ke cinîyan esas gênê xeylêk muhîm ê."

 

‘Ewnîyayîşê camêrdî birijnê'

 

Abdullah Ocalan pêvînayîşê 3yê Nîsana 2013ine de zî dîyar keno ke cinî seba cuya azad hewl danê û nê çîyan vano: "Cuyêka bê cinî nêbena. Vanê, ‘yan ti mi rê ya, yan herrî rê ya.', 'çuwa serê paşta cinî ra medê kîşte û pîzeyê aye ra zî sîpe kêm nêkerê'. No kulturêk bi xof o. Xebatê cinîyan kêmî mekerê. Merkezê cinîyan muhîm ê. Ma eşkenê vajê kolektîfê cinîyan. Ganî raşteyê xebatê parekerdişê komelî û ekonomî yê cinîyan bibo. Camêrdan ra bawer mekerê. Ewnîyayîşê camêrdî birijnê. Cinîtî çîyêk bi heybet a. Ez nêvena keye çin bibê. No kitabê min yê ‘Kiştişê Camêrdî' de baş yeno famkerdiş.”

 

‘Cinî eşkenê xo koletî ra xelas bikerê'

 

Pêvînayîşê 14ê Nîsana 2013ine de Abdullah Ocalan bale anceno serê koletîya 5 hezaran serran û vat, “Cinî eşkenê xo nê koletî ra xelas bikerê. Mi berê faşîzmî yê camêrdan akerd. Hema zî ser de şuxulêna. Pêro cuye sey komel û estetîk şima eşkenê dîyar bikerê. Cinî vanê, 'do kam mi bigîro' û şinê camêrdê ke pereyê înan zêde yê gênê. Na nêweşîyêke xirab a. Yê ke cuyêke n estetîk awan bikerê şima yê. Yê ke camêrdanê çimsûran rast bikerê şima yê. Sebrê şima esto. Keda şima esta. Xo ra bawer bê."

 

‘Şima do xo newe ra awan bikerê'

 

Abdullah Ocalanî pêvînayîşê 7ê Hezîrana 2013ine de wina vat: "Têduştî û azadî bi çareserkerdişê problemê cinî eşkenê çareser bibo. Şorişê ma eynî wextî de şorişê cinî yo. Ma do koletîyê cinî wedarnê. No şorişêk sinifî nîyo. Şorişê cinî, şorişî  serkêşî yo. Rewşa cinîyan bi xof a. Betal ê. Cinî seba betalî şinê cayê bînî. Şima do xo awan bikerê. Camêrdo ke cinî ano na rewşe zî alçax o.”

 

Pêvînayîşê 8ê Sibate ya 2014ine de zî no ercnayîş yeno kerdiş: "Ganî cinî nasname û azadîya xo nas bikera. Ez nimûneyê Kesîre bidî. Mi qezenckerdişê camêdî, bi kiştişê cinî nêkerd, pê bawer nêkerd. Mi bi ci dest bi têkoşînê cinî kerd. Cinî babeta cinîyan de her tim qels ê. Têkilî de ti sey kole biewnê cinî ra ti qedênê. Her roje bi desan cinî yenê kiştiş. Cuyêke bi heybet bi cinî reyde eşkena bêra ciwîyayîş. La ewro cinî rewşêke baş de nîyê. Ez wina vana, ‘şorişo ke cinî azad nêkero, şoriş nîyo. Rêxistina ke cinî bi rêxistin nêkera rêxistine nîya.”

 

‘Cinî ameyê girêdayîş’

 

Pêvînayîşê 1ê Hezîrana 2014ine de zî Abdullah Ocalan dîyar keno ke bingehê problemê kurdî û problemê komelî de problemê cinî esto û wina dewam keno: "Kiştişê cinîyan resayê sewîyeyêka xidar. Ganî tu kes nê çî qebûl nêkero. Eke ti cinîyêke reyde cuye nêzanê, ti nêeşkenê şoriş bikerê. Ti nêeşkenê  şaredartî bikerê."

 

Pêvînayîşê 15ê Tebaxa 2014ine de zî Abdullah Ocalan bale anceno serê sîstemê kapîtalîst û dîyar keno ke her mêrdeyêk tecawizkar o û wina vat: “Mi başêr dinya de tu kesê ke sosyolojîyê cinî bikero çin o. Ganî cinî bêrê xurtkerdiş. Cinî ne kênaya pî, ne zî cinîya camêrdî, do xo bê. Ganî cinî ferzkerdişê keyeyî qebûl nêkerê."

 

Abdullah Ocalan pêvînayîşê 4ê Sibata 2015ine de zî dîyar keno ke çareserîya hemverê şîdet û desteştişê cinî oyo ke rêxistinê cinî bi sosyolojiyêk kûr reyde, bi rêxistinbîyayîşê komelî reyde bêro   çareserkerdiş û wina vat: "Cinî ganî hemverê kiştişî de xo bipawê û bi pawitişê cewherî xo bipawê. Pawitişê meşrû her kes keno. Her kom raşteyê maneno, pawitişê xo keno."